پاۆلوداردا كولىك پايدالانۋ ەرەجەسىن بۇزعان ەكى مىڭعا جۋىق جۇرگىزۋشى جازالاندى

پاۆلودار. KAZINFORM - ازاماتتار كوبىنە كولىكتىڭ الدىڭعى ءبۇيىر تەرەزەلەرىن قاراڭعىلاۋعا بەيىم. بۇل جۇرگىزۋشى ءۇشىن كورىنىستى ناشارلاتادى دەيدى پوليتسەيلەر.

كولىك قۇرالدارىن پايدالانۋ ەرەجەسىن بۇزعانى ءۇشىن جىل باسىنان بەرى 1889 جۇرگىزۋشى اكىمشىلىك جاۋاپكەرشىلىككە تارتىلدى.

مىسالى پاۆلوداردا پاترۋلدىك پوليتسيا باتالونىنىڭ ينسپەكتورلارى ۆاز 21144 ماركالى اۆتوكولىكتى توقتاتقان.

ونىڭ الدىڭعى ءبۇيىر اينەكتەرىندە قوسىمشا زاتتار - پەردەلەر بولعان. جۇرگىزۋشى پوليتسيا تالاپتارىنا تۇسىنىستىكپەن قارادى.

تاعى ءبىر جاعدايدا Hyundai Tucson كولىگىنىڭ جۇرگىزۋشىسى الدىڭعى اينەگىنە جانە ەسىكتىڭ بۇيىرلىك تەرەزەلەرىنە كورىنىستى ناشارلاتاتىن پلەنكا جاپسىرعان.

«پوليتسەيلەردىڭ قاتىسۋىمەن ولار پلەنكانى وزدەرى الىپ تاستادى. جۇرگىزۋشىلەر جاۋاپكەرشىلىككە تارتىلىپ، ءارقايسىسىنا 10 ايلىق ەسەپتىك كورسەتكىش مولشەرىندە ايىپپۇل سالىندى. جۇرگىزۋشىنىڭ كورۋىن شەكتەيتىن سەبەپتەردىڭ ءبىرى - الدىڭعى جانە الدىڭعى بۇيىرلىك اينەكتەردىڭ قاراڭعىلانۋى. بۇل، اسىرەسە قاراڭعى ۋاقىتتا قاۋىپتى. اتالعان تەرەزە اۋماقتارىنا ءمولدىر ءتۇستى پلەنكالاردى جابۋعا نەمەسە جاپسىرۋعا تىيىم سالىنادى»، - دەپ ءتۇسىندىردى ۆزۆود كومانديرىنىڭ مىندەتىن اتقارۋشى جانىبەك شاكىروۆ.

ەسكە سالا كەتەيىك، كەشە كولىك ءمينيسترى اقىلى جول ءتاريفىن %20 كوتەرۋدى ۇسىنعان ەدى.

اۆتور
مۇرات اياعان