پاۆلوداردا جول- كولىك اپاتىنان ەكى ادام قازا تاپتى

پاۆلودار. KAZINFORM - پاۆلودار- قىزىلوردا اۆتوجولىندا جەڭىل ماشينا مەن جۇك كولىگى سوعىلدى. اپات سالدارىنان جەڭىل كولىكتىڭ جۇرگىزۋشىسى مەن ءبىر جولاۋشى وقيعا ورنىندا كوز جۇمعان.

жол апаты
Фото: Павлодар облысы полиция департаменті

بۇل تۋرالى پاۆلودار وبلىسى پوليتسيا دەپارتامەنتىنىڭ باسپا ءسوز قىزمەتىنەن حابارلادى.

- 20 - قاڭتار كۇنى «پاۆلودار- قىزىلوردا» اۆتوجولىنىڭ 1233 شاقىرىمىندا Hyundai Accent جانە كاماز كولىكتەرىنىڭ قاتىسۋىمەن جول- كولىك وقيعاسى بولدى. اپات سالدارىنان Hyundai Accent جۇرگىزۋشىسى مەن جولاۋشىسى وقيعا ورنىندا قازا تاپتى. جاراقات العان تاعى ءبىر جولاۋشى اۋرۋحاناعا جاتقىزىلدى. جول-كولىك وقيعاسىنداعى ادام ءولىمى دەرەگى بويىنشا قىلمىستىق ءىس قوزعالدى، - دەپ مالىمدەدى باسپا ءسوز قىزمەتىنەن.

پوليتسيا دەپارتامەنتى مۇنداي قايعىلى وقيعالاردىڭ الدىن الۋ ءۇشىن جول قوزعالىسى قاتىسۋشىلارىنا جىلدامدىق رەجيمىن ساقتاۋ قاجەتتىگىن ەسكەرتەدى. اسىرەسە، كولىك كوپ جۇرەتىن جەرلەردە كولىك قۇرالىن بارىنشا ساقتىقپەن باسقارۋ، كولىك قۇرالىنىڭ تەحنيكالىق جاعدايىن باقىلاۋ ماڭىزدى.

 

سوڭعى جاڭالىقتار