پاۆلوداردا جاس ءوسپىرىمدى اۆتوبۋستان ماجبۇرلەپ تۇسىرگەن جۇرگىزۋشى جازالاندى

Фото: видеодан алынған кадр
Фото: видеодан алынған кадр

استانا. KAZINFORM - جەلىدە جۇرگىزۋشىنىڭ جاس ءوسپىرىم قىزدى مەكتەپ كارتوچكاسىنىڭ بولماۋىنا بايلانىستى اۆتوبۋستان ءتۇسىرىپ كەتكەن ۆيدەوسى تارادى.

«پوليتسيا قىزمەتكەرلەرى تەكسەرىس جۇرگىزدى. اتالعان كولىك قۇرالىنىڭ جۇرگىزۋشىسى انىقتالدى. وعان قاتىستى زاڭدى وكىلدەرىنىڭ ەرىپ ءجۇرۋىنسىز جۇرگەن كامەلەتكە تولماعان قىزدى قوعامدىق كولىكتەن ماجبۇرلەپ تۇسىرگەنى ءۇشىن اكىمشىلىك ءىس قوزعالدى. اكىمشىلىك ايىپپۇل سالىندى»، - دەدى پاۆلودار قالا باستىعىنىڭ ءبىرىنشى ورىنباسارى ارمان قاپتايەۆ.

ىشكى ىستەر مينيسترلىگى 16-ماۋسىمدا پرەزيدەنت توقايەۆ ساۋىردە قول قويعان ايەلدەر مەن بالالاردى قورعاۋ تۋرالى زاڭناماعا ەنگىزىلگەن وزگەرىستەر كۇشىنە ەنگەنىن حابارلادى.

سونىمەن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 593-بابى 1-بولىگىمەن تولىقتىرىلدى. ەندى زاڭدى وكىلىنىڭ ەرىپ ءجۇرۋىنسىز كەلە جاتقان 16 جاسقا تولماعان ادامدى قوعامدىق كولىكتەن كۇشتەپ تۇسىرگەنى ءۇشىن جۇرگىزۋشىلەر اكىمشىلىك جاۋاپكەرشىلىككە تارتىلادى.

سوڭعى جاڭالىقتار