پاۆلوداردا جالداۋ قۇنى 50 ميلليون تەڭگە بولاتىن جەر 60 مىڭ تەڭگەگە بەرىلگەن

پاۆلودار وبلىسىندا جەردىڭ %70 ى اۋىل شارۋاشىلىعى ماقساتىندا پايدالانىلادى جانە ولاردىڭ باسىم بولىگى جەكە مەنشىكتە، دەپ حابارلايدى Kazinform وبلىستىق پروكۋراتۋرانىڭ باسپا ءسوز قىزمەتىنە سىلتەمە جاساپ.

تەكسەرىس بارىسىندا ەلدى مەكەندەر شەگىندە جايىلىمدىق جەرلەر مەن ەگىستىكتەر ءۇشىن جەر ۋچاسكەلەرىن بەرىپ، مىندەتتى كونكۋرستىق راسىمدەردى ەلەمەي، پايدالانعانى ءۇشىن تولەمدى ازايتىپ، لاۋازىمدى تۇلعالاردىڭ قۇزىرەتىنە كىرمەيتىن شەشىمدەر قابىلداعان ەلەۋلى بۇزۋشىلىقتار انىقتالدى.

اتاپ ايتقاندا، ءبىر ۋچاسكە بويىنشا جالعا الۋدىڭ جىلدىق قۇنى 50 ميلليون تەڭگەنىڭ ورنىنا 60 مىڭ تەڭگە دەپ بەلگىلەنگەن.

انىقتالعانداي، حالىقتىڭ قاجەتتىلىكتەرى ءۇشىن جايىلىمدىق جەرلەر تاپشىلىعى بولا تۇرا، ولار «ءبىر قولعا» بەرىلگەن.

مىسالى، ەرتىس اۋدانىندا 47 مىڭ گەكتار تاپشىلىق بولسا دا، جەر جەكە تۇلعالارعا زاڭسىز بەرىلگەن.

وسىنداي فاكتىلەردىڭ ءبىرى بويىنشا اتالعان اۋداندا سوت تارتىبىمەن اۋدانى 3 مىڭ گەكتاردان اساتىن جايىلىمداردى قايتارۋ قامتاماسىز ەتىلدى.

جەر قاتىناستارى سالاسىندا لاۋازىمدىق وكىلەتتىكتەردى اسىرا پايدالانۋ فاكتىلەرى بويىنشا وبلىس پروكۋراتۋراسى قىلمىستىق كودەكستىڭ 361-بابى 4-بولىگىنىڭ 3-تارماعى بويىنشا سوتقا دەيىنگى تەرگەپ- تەكسەرۋدى باستادى.

تەكسەرۋلەر جالعاسۋدا.

اۆتور

ەربول جانات