پاۆلوداردا بەس ميلليون تەڭگە اليمەنت تولەمەي كەلگەن ەر ادام ۇستالدى

پاۆلودار. KAZINFORM — ول 2015 -جىلدان بەرى بالالارىمەن كەزدەسۋدەن قاشقاقتاپ، اليمەنت تولەمەي كەلگەن. قازىر ونىڭ ماسەلەسىمەن سوت ورىنداۋشىلارى شۇعىلدانىپ جاتىر.

Алименты
فوتو: Kazinform

شارباقتى اۋدانىنىڭ پوليتسياسىنا ەر ادامنىڭ بۇرىنعى جۇبايى حابارلاسىپ، بالالارىنىڭ اكەسى 9 جىلدان بەرى ەشبىر تولەم جۇرگىزبەي وتىرعانىنا شاعىمدانعان. بەلگىلى بولعانداي، ازاماتتىڭ بۇرىنعى وتباسى الدىندا 5 ميلليون تەڭگەگە جۋىق قارىزى بار.

«سوت شەشىمىنە قاراماستان، ەر ادام 2015 -جىلدان باستاپ اليمەنت تولەۋدەن جاسىرىنىپ، بالالارىمەن كەزدەسۋدەن قاشقاقتاپ جۇرگەن. قارىز سوماسىن ءوندىرىپ الۋ تۋرالى سوت شەشىمىن ودان ءارى ورىنداۋ ءۇشىن ازاماتتى پوليتسيا قىزمەتكەرلەرى ۇستاپ، جەكە سوت ورىنداۋشىسىنا بەرىلدى»، - دەپ حابارلادى پاۆلودار وبلىسى پوليتسيا دەپارتامەنتىنەن.

جىل باسىنان بەرى بالالاردى اسىراۋعا قاراجات تولەۋ بويىنشا مىندەتتەردى ورىنداماۋدىڭ 30 فاكتىسى تىركەلدى. پوليتسەيلەر زاڭ بۇزعاندارعا قاتىستى ايىپپۇلدار نەمەسە قاماۋعا الۋ ەشبىر ناتيجە بەرمەسە، قىلمىستىق جاۋاپكەرشىلىك تۋىندايتىنىن ەسكەرتەدى.

ەسكە سالا كەتەيىك، پاۆلوداردا بالاسىنا اليمەنت تولەمەي كەلگەن ايەل باس بوستاندىعىنان ايرىلۋى مۇمكىن ەكەنى تۋرالى جازعانبىز.

اۆتور
مۇرات اياعان

سوڭعى جاڭالىقتار