پاۆلوداردا براكونەرلەر 12 ەلىكتى زاڭسىز اتقان
پاۆلودار. KAZINFORM -ەرتىس وزەنى جايىلماسىندا ەكى ازامات جانۋارلاردى اتىپ، ەتىن بولشەكتەپ الىپ كەتكەلى تۇرعاندا قولعا ءتۇستى. وقيعا ورنىنان قاردا جۇرەتىن كولىك، 5 دانا تەگىس ۇڭعىلى مىلتىق تابىلدى.
ميچۋرين اۋىلىنىڭ تۇرعىندارى وزەن ماڭايىندا الدەبىرەۋلەردىڭ ەلىكتەردى اتىپ جاتقانى تۋرالى پوليتسياعا حابارلاعان.
وقيعا ورنىنا جەدەل جەتكەن ءتارتىپ ساقشىسى مەن جەرگىلىكتى ورمان جانە جانۋارلار دۇنيەسىن قورعاۋ مەكەمەسىنىڭ مامانى زاڭسىز اڭ اۋلاۋ فاكتىسىنىڭ جولىن كەستى.
- پوليتسيا مەن ورمان مەكەمەسىنىڭ مامانى اتالعان اۋماققا بارعاندا براكونەرلەر 12 ەلىكتى سۇلاتىپ ۇلگەرگەن. وقيعا ورنىنان جانۋارلاردىڭ ۇشاسى، قاردا جۇرەتىن كولىك، 5 دانا تەگىس ۇڭعىلى مىلتىق تابىلدى. ۇستالعان كۇدىكتىلەرگە قاتىستى زاڭسىز اڭ اۋلاۋ فاكتىسى بويىنشا سوتقا دەيىنگى تەرگەۋ باستالدى،- دەپ حابارلادى پاۆلودار وبلىسى پوليتسيا دەپارتامەنتىنىڭ باسپا ءسوز قىزمەتى.
