پاۆلوداردا ايگىلى «قارتقوجا» رومانىنىڭ ءتۇپنۇسقاسى ساقتالىپ تۇر

Жүсіпбек Аймауытұлы
فوتو: مۇرات اياعان/kazinform

پاۆلودار. قازاقپارات - ⅩⅩ عاسىردىڭ باسىنداعى قازاق ادەبيەتى وتارشىلدىققا قارسى كۇرەس پەن تاۋەلسىزدىكتى اڭساۋ يدەياسىن اشىق جانە باتىل كوتەردى. وسى لەپپەن جازىلعان شىعارمالاردىڭ ءبىرى 1926 -جىلى العاش جارىق كورگەن «قارتقوجا» رومانى ەدى.

عاسىر باسىندا ادەبيەتكە كەلگەن اقىن-جازۋشىلاردىڭ بارلىعى دا ازاتتىق تاڭىنىڭ دۇبىرىمەن ويانعاندار بولاتىن. سولاردىڭ ىشىندە ەرتىس-بايان جەرىندە دۇنيەگە كەلگەن جۇسىپبەك ايماۋىت ۇلى، قوشكە كەمەڭگەر ۇلى، جۇمات شانين، سۇلتانماحمۇت تورايعىروۆ، ءسابيت دونەنتايەۆ، يسا بايزاقوۆ، ديحان ابىلەۆ جانە تاعى باسقا كورنەكتى تۇلعالاردى ەرەكشە ايتىپ وتۋگە بولادى.

وسى كەزەڭدەگى ۇلت ادەبيەتىن كوركەمدىك- ەستەتيكالىق تۇرعىدان بايىتا تۇسكەن شىعارمانىڭ ءبىرى - اعا ۇرپاق جاتا-جاستانا وقىعان «قارتقوجا» رومانى. بۇقار جىراۋ اتىنداعى پاۆلودار وبلىستىق ادەبيەت جانە ونەر مۋزەيىندە بۇل كىتاپتىڭ ءتۇپنۇسقاسى ساقتاۋلى تۇر.

музей
فوتو: مۇرات اياعان/kazinform

- مۋزەي قورىنداعى جۇسىپبەك ايماۋىت ۇلىنىڭ «قارتقوجا» رومانىنىڭ ءتۇپنۇسقاسى - قۇندى جادىگەردىڭ ءبىرى. 1926 -جىلى قىزىلوردا قالاسىندا اراب گرافيكاسىندا جارىق كورگەن. شىعارما تاريحتىڭ تۇتاس ءبىر كەزەڭىن، شىندىعىن جۇمسارتپاي، شىنايى، كەڭ تۇرعىدا سۋرەتتەي الۋىمەن باعالى. جالپى كىتاپتىڭ ءتۇپنۇسقاسى جامان ساقتالماعان. رومانداعى باس كەيىپكەر قارتقوجانىڭ پروتوتيپى - قارتقوجا توعانبايەۆتىڭ تۋىسقاندارى ۇيىندە ۇزاق جىلدار ساقتاپ كەلگەن. كەيىن مۋزەي قىزمەتكەرى مارۆان حاميتوۆا اپايىمىز سۇراپ ءجۇرىپ، 2004 -جىلى قورعا الدىردى، - دەيدى مەكەمەدەگى قور ساقتاۋشى ءاليا ساماتوۆا.

Жүсіпбек Аймауытұлы
فوتو: مۇرات اياعان/kazinform
Жүсіпбек Аймауытұлы
فوتو: مۇرات اياعان/kazinform

روماندى كەلەشەكتە رەستاۆراتسيادان وتكىزۋ جوسپارلانىپ وتىر.

اۆتور

مۇرات اياعان

سوڭعى جاڭالىقتار