پاۆلوداردا اسكەري قىزمەتشىنى بوپسالاپ، اقشا الىپ كەلگەندەر ۇستالدى
پاۆلودار. KAZINFORM - ۇستالعاندار بۇرىن «قىلمىستىق ىقپال ەتۋ ۇيىمىندا» بولىپ، ءبىرقاتار قىلمىس جاسادى دەپ كۇدىككە ىلىنگەن ادامداردىڭ ورتاسىندا جۇرگەن.
پاۆلوداردا وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى ءىس-قيمىل قىزمەتكەرلەرى اسكەري قىزمەتشىدەن اقشا بوپسالادى دەگەن كۇدىكپەن وبلىس ورتالىعىنىڭ ەكى تۇرعىنىن ۇستادى.
- تەرگەۋ دەرەكتەرىنە سايكەس، كۇدىكتىلەر بىرنەشە اي بويى اسكەري قىزمەتشىگە مورالدىق- پسيحولوگيالىق قىسىم كورسەتىپ، ونىڭ اقشالاي قاراجاتىن يەمدەنگەن. بەلگىلى بولعانداي، ۇستالعاندار بۇرىن «قىلمىستىق ىقپال ەتۋ ۇيىمىندا» بولىپ، ءبىرقاتار قىلمىس جاسادى دەگەن كۇدىككە ىلىنگەن ادامداردىڭ ورتاسىندا جۇرگەن. قازىرگى ۋاقىتتا ەكى كۇدىكتى سوت سانكتسياسىمەن 2 اي مەرزىمگە قاماۋعا الىندى. تەرگەۋ جالعاسۋدا، سونداي-اق ولاردىڭ وزگە قىلمىستىق ەپيزودتارعا قاتىستىلىعى تەكسەرىلىپ جاتىر، - دەپ حابارلادى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى بولات نۇرسەيىتوۆ.
