پاۆلوداردا 52 ميلليون تەڭگەنىڭ شىرشاسى قۇلاپ قالدى

шырша
Фото: Түркістан облысы әкімдігі

  پاۆلوداردا الاي-ۇلەي بوران سوعىپ، ورتالىق الاڭدا تۇرعان شىرشانى قۇلاتتى. اتالعان شىرشانى ورناتۋعا قالا بيلىگى 52 ميلليون تەڭگە جۇمساعان ەدى، دەپ حابارلايدى Kazinform.

وبلىس ورتالىعىندا قۇرىلعان جاڭا شىرشا ارقانىڭ دۇلەي داۋىلىنا شىداماي، وماقاسا قۇلادى. ەستەرىڭىزدە بولسا، بۇل شىرشاعا بيۋدجەتتەن بولىنگەن قاراجات داۋ تۋدىرعان ەدى. قالا اكىمىنىڭ باسپا ءسوز قىزمەتى حابارلاعانداي، قازىرگى ۋاقىتتا تەمىر قۇراستىرمانى بۇزۋ جۇمىستارى اتقارىلىپ جاتىر. قالا اكىمى حاسار قابىلبەكوۆ تە سول ماڭدا ءجۇر.

بۇگىن تاڭەرتەڭنەن پاۆلودار وبلىسى اۋماعىندا دۇلەي داۋىل سوعىپ تۇر. كوپتەگەن ەلدى مەكەندەردە ەلەكتر جارىعى قايتا-قايتا ءوشىپ جاتىر. وڭىرلىك توتەنشە جاعداي دەپارتامەنتى ءقازىر وبلىستىق شتاب قاتتى جەلدىڭ سالدارىنان بولعان وقىس جايتتار بويىنشا مالىمەتتەردى جيناپ جاتقانىن مالىمدەدى.

ەسكە سالىپ وتەيىك، وتكەن جىلدىڭ جەلتوقسان ايىندا پاۆلودار قالاسىنداعى 3 ميلليون تەڭگەگە سالىنعان مۇز قالاشىعىنىڭ ءبىراز بولىگى ەرىپ كەتكەن. ال جاڭا جىل مەيرامىن مەرەكەلەۋگە جەرگىلىكتى قازىنادان جالپى سوماسى 185 ميلليون تەڭگە بولىنگەنى قوعام تاراپىنان سىنعا ىلىككەنى ءمالىم.

سوڭعى جاڭالىقتار