پاۆلوداردا 2 مىڭعا جۋىق بالا برونح دەمىكپەسىنە شالدىققان
پاۆلودار. KAZINFORM - ولاردىڭ 165 ءى ءبىر جىل ىشىندە تىركەلگەن. برونح دەمىكپەسى سوڭعى جىلدارى جاسارىپ كەلەدى، دەيدى دارىگەرلەر.
بۇل دەرتپەن بۇرىن كوبىنە 9 جاستاعى بالالار اۋىرسا، ەندى العاشقى بەلگىلەر 1 جاستان-اق بايقالا باستاعان.
دەمىكپەنىڭ نەگىزگى بەلگىلەرى تىنىس الۋدىڭ اۋىرلاۋى، ۇزاق جوتەل، اللەرگيالىق رينيت، وزگە دە اللەرگيالىق سەبەپتەر بولۋى مۇمكىن. بالالاردا ۇزاق جوتەلدەن باستالادى. وسى بەلگىلەر بايقالىپ، سىرقات ەرتەرەك انىقتالسا باقىلاۋدى كۇشەيتۋگە مۇمكىندىك بولادى. ەمدەۋدىڭ نەگىزگى ماقساتى - پاتسيەنتتەردىڭ جاعدايىن مۇگەدەكتىككە جەتكىزبەۋ.
ق ر دەنساۋلىق ساقتاۋ مينيسترلىگىنىڭ شتاتتان تىس باس اللەرگولوگ-يممۋنولوگ دارىگەرى ەلەنا كوۆزەلدىڭ ايتۋىنشا، ەلىمىزدە 100 مىڭعا جۋىق ادامدا برونحتى دەمىكپە انىقتالعان. ال پاۆلودار وبلىسىندا، برونحتى دەمىكپەمەن 2 مىڭعا جۋىق بالا تىركەلگەن. ونىڭ 165 ءى ءبىر جىلدا انىقتالدى.
- ناۋقاستاردىڭ سانىنىڭ ارتۋىنىڭ ىشكى سەبەبى - تۇقىم قۋالاۋ، ەكىنشى سەبەپ سىرتقى فاكتورلارعا بايلانىستى. مىسالى، قورشاعان ورتانىڭ لاستانۋى، تۇرمىستىڭ حيميالانۋى، ازىق-تۇلىكتىڭ حيميالانۋى، شىلىم شەگۋ، كولىكتەردىڭ كوبەيۋى. وسىدان اللەرگيالىق رەاكتسيالار ەرتە داميدى. بۇرىن اللەرگيالىق رينيت 9 جاستاعى بالالاردا كەزەدسەتىن، ءقازىر 2 جاستاعى بالالاردا تىركەلىپ وتىر، - دەيدى مامان.
ەسكە سالا كەتەيىك، قازاقستانداعى ماۋسىمدىق اللەرگيا بەس جىل ىشىندە ون ەسە ارتقان.
