پاۆلودار وبلىسىندا كەن ورنىندا ىشىندە ادامدار بار اۆتوبۋس جەر استىنا ءتۇسىپ كەتتى

پاۆلودار وبلىسىنىڭ باياناۋىل اۋدانىنداعى «مايقايىڭ- التىن» ا ق شاحتاسىنىڭ جانىندا توپىراق وپىرىلدى. سالدارىنان ىشىندە 4 جولاۋشى بار اۆتوبۋس تازارتۋ كەڭىستىگىنە قۇلاپ كەتتى، دەپ حابارلايدى Kazinform.

قازىر وپىرىلعان جەردىڭ تەرەڭدىگى - 150 مەتر، ۇزىندىعى - 150-200 مەتر، ەنى - جارتى شاقىرىم دەپ شامالانىپ وتىر. اپاتتىق-قۇتقارۋ جۇمىستارى جۇرگىزىلۋدە.

اۆتوبۋس جەر استىنا 4-قاڭتار تۇنگى ساعات 01:25 شاماسىندا قۇلاعان.

ونىڭ ىشىندە قۇتقارۋشىلار مەن جۇرگىزۋشى بولدى.

«اپات كەزىندە اۆتوبۋستا 4 ادام - كاسىبي اسكەريلەندىرىلگەن اۆاريالىق- قۇتقارۋ قىزمەتتەرىنىڭ رەسپۋبليكالىق ورتالىق شتابى پاۆلودار فيليالىنىڭ 3 قۇتقارۋشىسى مەن جۇرگىزۋشى بولدى. شاحتادان 33 جۇمىسشى ەۆاكۋاتسيالاندى، ولاردىڭ ءومىرى مەن دەنساۋلىعىنا قاۋىپ ءتونىپ تۇرعان جوق»، - دەپ حابارلادى پاۆلودار وبلىسى ت ج د باسپا ءسوز قىزمەتىنەن.

جەدەل شتاب قۇرىلىپ، وقيعا ورنىندا پاۆلودار وبلىسىنىڭ اكىمى اسايىن بايحانوۆ، ت ج د مەن جەرگىلىكتى اتقارۋشى ورگانداردىڭ باسشىلىعى ءجۇر.

پسيحولوگتار جۇمىس ىستەۋدە.

قۇتقارۋ جۇمىسىنا 40 تان استام ادام، 13 تەحنيكا جانە درون جۇمىلدىرىلعان.