پاۆلودار تۇرعىنى اۆتوسالوندى سوتقا بەرىپ، 20,5 ميلليون تەڭگە ءوندىرىپ الدى
پاۆلودار. KAZINFORM - تۇتىنۋشىنىڭ ايتۋىنشا، ول جەرگىلىكتى اۆتوسالوننان قۇنى 19190000 تەڭگە تۇراتىن جەڭىل كولىك ساتىپ العان. وعان قوسا كولىك قۇرالىن ساقتاندىرۋعا 1,7 ميلليون تەڭگە راسىمدەگەن.

بەلگىلى بولعانداي، جاڭا كولىك ديلەردىڭ العاشقى تەحنيكالىق قىزمەت كورسەتۋىنەن سوڭ بۇزىلا باستاعان. تۇتىنۋشىنىڭ ايتۋىنشا، قوزعالتقىشقا قۇيىلعان ماي كەلەسى كۇنى سۇزگى ارقىلى سىرتقا اعىپ كەتكەن. ودان سوڭ كولىك ءبىر اي سەرۆيستىك ورتالىقتا تۇرعان.
- وسى كەزەڭدە اۆتوكولىكتەگى قوزعالتقىش اشىلعان. بۇل رەتتە ورتالىق ماماندارى قوزعالتقىشتى اشۋ جانە بولشەكتەرىن اۋىستىرۋ جۇرگىزىلگەنى تۋرالى جازباشا قۇجاتتار ۇسىنباعان. ءبىزدىڭ دەپارتامەنتتىڭ ماماندارى ازاماتقا سوتقا دەيىنگى تالاپ قويۋعا كومەكتەستى. ءارى قاراي تۇتىنۋشى سوتقا اۆتوكولىكتى ساتىپ الۋ- ساتۋ شارتىن بۇزۋ جانە اقشانى قايتارۋ تۋرالى تالاپ ارىزبەن جۇگىندى. سونداي-اق، دەپارتامەنت سوت ۇدەرىسىنە دەربەس تالاپ قويمايتىن ءۇشىنشى تۇلعا رەتىندە قاتىستى، - دەپ حابارلادى پاۆلودار وبلىسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنەن.
ناتيجەسىندە سوت تۇتىنۋشىنىڭ پايداسىنا كولىك ءۇشىن تولەنگەن 19190000 تەڭگەنى، 959500 تەڭگە مولشەرىندە تۇراقسىزدىق ايىبىن، 62810 تەڭگە شىعىندى، 100000 تەڭگە مولشەرىندە مورالدىق زيان سوماسىن، 203969 تەڭگە سوماسىندا سوت شىعىندارىن، جالپى سوماسى 20516279 تەڭگەنى وتەۋ تۋرالى شەشىم شىعارعان.
اۆتور
مۇرات اياعان