پاۆلودار مۇناي وڭدەۋ زاۋىتى جوندەۋدەن سوڭ قايتا ىسكە قوسىلا باستادى
پاۆلودار. KAZINFORM - «پ م ح ز» ج ش س جوسپارلى-الدىن الۋ جۇمىستارىن ورىنداۋدىڭ سوڭعى كەزەڭىنە شىقتى. زاۋىت بويىنشا ورىندالعان جۇمىستاردىڭ ورتاشا كورسەتكىشى %98,5 دى قۇرادى.
زاۋىتتىڭ جۇرتشىلىقپەن بايلانىس بولىمىنەن حابارلاعانداي، كوپتەگەن ءىرى قوندىرعىلارداعى جوندەۋ جۇمىستارى تولىعىمەن اياقتالدى.
«كاسىپورىن جوسپارلى جوندەۋ جۇمىستارىنا توقتاعان كەزدە مۇناي ونىمدەرىنىڭ بارلىق رەزەرۆتىك قورلارىنىڭ كولەمى ەكى ەسەدەن استام قىسقاردى. بۇل بەكىتىلگەن ۇزدىكسىز تيەۋدى قامتاماسىز ەتۋ جوسپارىنىڭ شەڭبەرىنە كىرەدى. جوندەۋ جۇمىستارى شەڭبەرىندە جوسپارلانعان بارلىق ءىس- شارالار قاۋىپسىزدىك تەحنيكاسى جانە قورشاعان ورتانى قورعاۋ قاعيدالارىنا قاتاڭ سايكەستىكتە جۇزەگە اسىرىلىپ جاتىر. ەنەرگەتيكا مينيسترلىگى بەكىتكەن كەستەگە سايكەس ءوندىرىستى ىسكە قوسۋ وسى اپتانىڭ سوڭىنا دەيىن كۇتىلۋدە»، - دەپ مالىمدەدى زاۋىتتان.
كاسىپورىن تولىق وندىرىستىك قۋاتىنا 16-شىلدەگە دەيىن شىعادى دەپ جوسپارلانىپ وتىر.
ەسكە سالا كەتەيىك، ماۋسىم ايىندا پاۆلودار مۇناي-حيميا زاۋىتى جوندەۋگە جابىلعانى تۋرالى جازعان ەدىك.
