پاۆلودار دۇكەنىندەگى ارانداتۋشىلىق: سوت كىنالى ايەلگە ايىپپۇل سالدى

پاۆلودار. KAZINFORM - پاۆلودار سوتى دۇكەنگە «تەك قانا ورىسشا قىزمەت كورسەتەمىز» دەگەن جازۋلاردى جابىستىرىپ، ونى الەۋمەتتىك جەلىگە جۇكتەگەن ايەلدىڭ ءىسىن قارادى. سوت شەشىمىمەن ايىپتالۋشى 55048 تەڭگە ايىپپۇل تولەيتىن بولدى.

Терроризмді насихаттағаны үшін екі  азамат 7 жылға сотталды
Фото: Pixabay.com

قالالىق اكىمشىلىك قۇقىق بۇزۋشىلىقتار جونىندەگى مامانداندىرىلعان سوتتا ۇساق بۇزاقىلىق دەرەگى بويىنشا ءىس قارالدى.

بەلگىلى بولعانداي، بيىلعى 16- قاڭتار كۇنى ايەل لەرمونتوۆ كوشەسىندەگى دۇكەننىڭ كىرەبەرىس ەسىگى مەن ۆيتريناسىنا «تەك قانا ورىس تىلىندە قىزمەت كورسەتەمىز» دەگەن مازمۇنداعى حابارلاندىرۋ جابىستىرعان. وسىلايشا ول قوعامدىق ءتارتىپتى جانە جەكە تۇلعالاردىڭ تىنىشتىعىن بۇزاتىن، باسقالارعا قۇرمەتسىزدىك تانىتاتىن ارەكەتتەر جاساعان.

تۇرعىننىڭ كىناسى ونىڭ ايتقان سوزدەرىمەن، كۋاگەرلەردىڭ ايعاقتارىمەن، بەينەجازبامەن، سونداي- اق ءىستىڭ باسقا ماتەريالدارىمەن دالەلدەندى. بۇل رەتتە ايەل ءوز كىناسىن تولىق مويىندادى جانە وكىنىش ءبىلدىردى.

- سوت ق ر اكىمشىلىك قۇقىق بۇزۋشىلىق تۋرالى كودەكستىڭ 434 - بابى 1 - بولىگى بويىنشا ايەل ادامدى كىنالى دەپ تانىدى. وعان 55048 تەڭگە سوماسىندا ايىپپۇل تاعايىندالدى، - دەپ حابارلادى قالالىق سوتتان.

سوت شەشىمى زاڭدى كۇشىنە ەنگەن جوق.

ەسكە سالا كەتەيىك، بۇعان دەيىن الدەبىرەۋلەر لەرمونتوۆ كوشەسىندە ورنالاسقان دۇكەننىڭ ەسىگىنە جانە سورەسىنە ورىس تىلىندە «تەك قانا ورىسشا قىزمەت كورسەتەمىز!» («وبسلۋجيۆاەم تولكو نا رۋسسكوم!» ) دەپ جازىلعان قاعازدى جاپسىرىپ، ونى تەلەفون كامەراسىنا ءتۇسىرىپ، كەيىن الەۋمەتتىك جەلىگە جۇكتەگەنى تۋرالى جازعانبىز.

«قازاق ءتىلى» قوعامى پاۆلودار وبلىستىق فيليالىنىڭ ءتوراعاسى، وبلىستىق ءماسليحات دەپۋتاتى اسىلبەك تۋعانباي كوپشىلىكتىڭ ارانداتۋشىلىققا ەرىپ كەتپەۋىن سۇرادى.

پوليتسيا ايەلدى جاۋاپقا تارتىپ، ءىسىن سوتقا جولدادى.

سوڭعى جاڭالىقتار