پاۆلودار اۋماعىندا زاڭسىز كۇزەت قىزمەتىن ۇيىمداستىرعاندار ۇستالدى
پاۆلودار. KAZINFORM - ۇيىمداستىرۋشىلار زاڭسىز كۇزەت قىزمەتىنەن 200 ميلليون تەڭگەدەن استام پايدا كورگەن. ولار وننان استام ويىن-ساۋىق مەكەمەسىنە قىزمەت كورسەتىپ كەلگەن.
ۇيىمداستىرىلعان قىلمىسقا قارسى كۇرەس جونىندەگى جەدەل ۋاكىلدەر وبلىس پروكۋراتۋراسىنىڭ ۇيلەستىرۋىمەن قاۋىپسىزدىكتى قامتاماسىز ەتۋ جانە فەيس-باقىلاۋ بويىنشا زاڭسىز كۇزەت قىزمەتىن جۇزەگە اسىرعان پاۆلودار قالاسىنىڭ تۇرعىندارىن انىقتادى. ولار رۇقسات قۇجاتتارىنسىز جۇمىس ىستەگەن.
«تەرگەۋ بارىسىندا قالانىڭ 12 ويىن-ساۋىق ورنىندا زاڭسىز كۇزەت قىزمەتىن ۇيىمداستىرعانى انىقتالدى. ولار مارگينالدىق جاستار قاتارىنان، سپورتتىق دايىندىقتان وتكەن، بىلىكتىلىگى جوق جاس ازاماتتاردى كۇزەت قىزمەتىنە جيناعان. جاستارمەن ەڭبەك شارتى جاسالماعان. زاڭسىز كۇزەت قىزمەتى فاكتىسى بويىنشا سوتقا دەيىنگى تەرگەۋ باستالدى»، - دەدى پاۆلودار وبلىسى پوليتسيا دەپارتامەنتى ۇيىمداستىرىلعان قىلمىسقا قارسى كۇرەس جونىندەگى باسقارما باستىعى عابيت قابدراحمانوۆ.
پوليتسيانىڭ ەسەبىنشە، زاڭسىز كۇزەت قىزمەتى ۇيىمداستىرۋشىلارعا 200 ميلليون تەڭگەدەن استام پايدا اكەلگەن. ءتارتىپ ساقشىلارى كۇزەت قىزمەتىن جۇزەگە اسىراتىن 30 عا جۋىق ادامدى، ونىڭ ىشىندە زاڭسىز كۇزەت اگەنتتىگىنىڭ ۇيىمداستىرۋشىلارىن ۇستادى.
اۆتور
مۇرات اياعان
