پاۆلودار وڭىرىندە قانشا كيىك بار

مامانداردىڭ ايتۋىنشا، كيىك سانىنىڭ كوبەيۋىنە جانۋارلاردى قورعاۋ شارالارىنىڭ قولعا الىنۋى جانە كليماتتىق جاعدايدىڭ قولايلى بولۋى اسەر ەتكەن. سونداي-اق بيىل اقبوكەندەر كوبىنە ەگىزدەن تولدەگەن. جانۋارلار جاپپاي قونىس اۋدارعان كەزدە اۋىل شارۋاشىلىعى القاپتارىنا زيان كەلتىرۋى مۇمكىن. وسىعان بايلانىستى ماي اۋدانىندا جانۋارلاردى ەگىستىك جەرلەردەن جايىلىمعا قاراي ايداۋ جۇمىستارى ۇيىمداستىرىلعان.

كوكتوبە ورمانشىلىعىنىڭ شەبەرى ەرىك ءتۇسىپوۆتىڭ ايتۋىنشا، سوڭعى جىلدارى ەگىستىك جەرلەر مەن جاڭادان ەگىلگەن داقىلداردى ساقتاۋ ءۇشىن كيىكتەردى جايىلىمعا قاراي ايداۋ جۇمىستارى جۇرگىزىلىپ كەلەدى.

- ەگىستىك جەرلەر مەن جاڭا شىققان داقىلداردى ساقتاۋ ءۇشىن سوڭعى جىلدارى جانۋارلاردى جايىلىمعا قاراي ايداۋمەن اينالىسىپ كەلەمىز. باقىلاۋدا 46 مىڭ گەكتار اۋماق بار. بيىل بۇل جۇمىسقا 50 ادام، 13 پاترۋلدىك كولىك جانە ەكى جۇك كولىگى جۇمىلدىرىلدى. توپتار ۆاحتالىق ادىسپەن جۇمىس ىستەيدى، - دەيدى ول.

بۇعان دەيىن پاۆلودار وبلىسىندا كيىكتەردىڭ سانى ءبىر جىلدا ءتورت ەسە ءوسىپ، 120 مىڭعا جەتكەنىن جازعانبىز.

بيىلعى كوكتەم مەزگىلىندە كيىكتەر جىلداعىدان كوپ قىرىلىپ، پاۆلودار فەرمەرلەرى ىندەتتەن ۇرەيلەنىپ وتىرعانى تۋرالى ماسەلە كوتەرگەنبىز.