التىن قازاققا العىسىمىز شەكسىز: مەيرامبەك بەسبايەۆ ەلگە ريزاشىلىعىن ءبىلدىردى
الماتى. KAZINFORM - بەلگىلى ءانشى مەيرامبەك بەسبايەۆ الەۋمەتتىك جەلىدەگى پاراقشاسىندا حالىققا العىسىن ءبىلدىردى، دەپ حابارلايدى turkystan.kz.
ونەر يەسى «مۋزارت» توبىنىڭ 25 جىلدىق مەرەيتويى جوعارى دەڭگەيدە وتكەنىن ايتىپ، تىڭدارماندارىنا ريزاشىلىعىن جەتكىزدى.
«ارداقتى اعايىن! وزدەرىڭىزدىڭ كوز الدارىڭىزدا قۇرىلىپ، ءوسىپ، جەتىلىپ، جىگىتتىك جاس – 25 كە كەلگەن «مۋزارت» توبىنىڭ مەرەيتويى دۇركىرەپ ءوتتى. بايتاق وتانىمىزدىڭ بارلىق وڭىرلەرىندە وتكەن مەرەيتويلىق كونسەرتىمىزگە پەرىشتە كوڭىل تىڭدارماندارىمىز قۋانا كەلىپ، باتالارىن بەرىپ تاراستى.
«مۋزارت» ءالى ءوزىنىڭ مۇزارت شىڭىندا تۇرعانىنا كەزەكتى رەت كوزىمىز جەتىپ، مەرەيىمىز تاسىپ، توبەمىز كوككە جەتتى»، - دەپ جازدى ءانشى.
سونداي-اق مەيرامبەك بەسبايەۆ ارنايى كەلىپ قۇتتىقتاپ، بىرگە ءان شىرقاعان ارىپتەستەرى مەن قوشەمەت كورسەتكەن كورەرمەنگە العىس ايتتى.
«ءبىزدىڭ قۋانىشىمىزعا ارنايى كەلىپ قۇتتىقتاعان، بىزبەن قوسىلىپ ءان شىرقاعان، بىزگە تەلەگەي تەڭىز قوشەمەت كورسەتكەن التىن قازاققا العىسىمىز شەكسىز!» - دەدى ول.
