التىن كەنىشىندەگى قايعىلى جاعدايعا بايلانىستى پوليتسيا سوتقا دەيىنگى تەرگەۋدى باستادى

  مايقايىڭنىڭ التىن كەنىشىندە بولعان قايعىلى جاعدايعا بايلانىستى پاۆلودار وبلىسىنىڭ پوليتسياسى سوتقا دەيىنگى تەرگەۋدى باستادى، دەپ حابارلايدى Kazinform.

- ەكى نەمەسە ودان دا كوپ ادامنىڭ ابايسىزدا قايتىس بولۋىنا اكەپ سوققان تاۋ- كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك قاعيدالارىن بۇزۋ فاكتىسى بويىنشا پوليتسيا قازاقستان رەسپۋبليكاسى ق ك 277-بابى 3-بولىگى بويىنشا سوتقا دەيىنگى تەرگەۋدى باستادى. تاجىريبەلى تەرگەۋشىلەر قاتارىنان ارنايى جەدەل- تەرگەۋ توبى قۇرىلدى. تەرگەۋ ىشكى ىستەر مينيسترلىگىنىڭ ەرەكشە باقىلاۋىندا، - دەپ حابارلادى پاۆلودار وبلىسى پوليتسيا دەپارتامەنتى باستىعىنىڭ ورىنباسارى راشاد وتەۋوۆ.

قازاقستان رەسپۋبليكاسى ق پ ك- ءنىڭ 201-بابىنا سايكەس تەرگەۋ مۇددەسىندە وزگە دە اقپارات جاريا ەتىلمەيدى.