التىن كەنىشىندەگى اپات: قۇتقارۋشىلار ويىقتىڭ توپىراعىن بەكىتىپ جاتىر

Алтын кенішіндегі апат: Құтқарушылар ойықтың топырағын бекітіп, төменге жол салуға әрекеттеніп жатыр
Фото: Павлодар өңірлік төтенше жағдай департаментінен

  «مايقايىڭالتىن» اق اۋماعىندا ىزدەستىرۋ-قۇتقارۋ جۇمىستارىنا 132 ادام تارتىلدى.

ەسكى شاحتا شۇڭقىرىنىڭ ۇستىندە وپىرىلىپ تۇسكەن ويىقتىڭ شەتكى توپىراعى ءالى دە ۇگىلىپ، قۇتقارۋشىلار مەن تەحنيكالار ءۇشىن قيىندىق تۋدىرىپ جاتىر. اۆتوبۋس پەن ونىڭ ىشىندەگى ەكى ادام ءالى تابىلعان جوق، دەپ حابارلايدى Kazinform.

«ويىق شەتتەرى ءالى دە ۇگىلىپ جاتىر. قۇتقارۋ ءىس-شارالارىنا تارتىلعان ادامداردىڭ قاۋىپسىزدىگى مەن اۋىر ينجەنەرلىك تەحنيكانىڭ جۇمىسى ءۇشىن ويىقتىڭ شەتىندەگى توپىراقتاردى قاعىپ ءتۇسىرۋ جانە توسەۋ بويىنشا دايىندىق جۇمىستارى جۇرگىزىلىپ جاتىر. وقيعا ورنىنا توتەنشە جاعدايلار مينيسترلىگىنىڭ جەرگىلىكتى قۇرىلىمدارى، كاسىبي اسكەريلەندىرىلگەن اۆاريالىق- قۇتقارۋ قىزمەتتەرىنىڭ رەسپۋبليكالىق ورتالىق شتابى پاۆلودار فيليالىنىڭ قىزمەتكەرلەرى، جەرگىلىكتى اتقارۋشى ورگاندار مەن «مايقايىڭالتىن» ا ق، پوليتسيا جانە جەدەل جاردەم بولىمشەلەرىنەن بارلىعى 132 ادام، 29 تەحنيكا جۇمىلدىرىلدى. اۆتوبۋس ءالى تابىلعان جوق»، - دەپ مالىمدەدى پاۆلودار وبلىستىق توتەنشە جاعدايلار دەپارتامەنتى.

مايقايىڭ كەنتىنىڭ اكىمى ەرباتىر مولداتايەۆ حابارلاعانداي، قازىرگى ۋاقىتتا كەنتتىڭ وزىندە 9 مىڭنان اسا حالىق تۇرادى. «مايقايىڭالتىن» ا ق- دا 1012 ادام ەڭبەك ەتەدى.

ەسكە سالا كەتەيىك، كەشە «مايقايىڭالتىن» كەن ورنىندا ۇلكەن ويىق ماڭىنداعى توپىراق وپىرىلىپ، 4 ادام مىنگەن اۆتوبۋس جەردىڭ استىنا ءتۇسىپ كەتكەن بولاتىن.

كەيىن وقيعا ورنىنان ەكى ادامنىڭ دەنەسى تابىلدى.

كەشكىسىن تابىلعانداردىڭ كىم ەكەنى بەلگىلى بولدى.

وقيعا ورنىندا ءيىسشىل يتتەر جۇمىس ىستەپ جاتىر. وپىرىلعان جەردە ءالى دە توپىراق سىرعىپ ءتۇسىپ جاتىر، وپىرىلۋ شەكاراسى تۇراقتى ەمەس.

باياناۋىلدا كەن ورنىندا كوز جۇمعان جانە ءىز-ءتۇزسىز كەتكەندەردىڭ وتباسىنا 4,5 ميلليون تەڭگەدەن بەرىلەدى.

التىن كەنىشىندەگى اپات: قازا تاپقانداردى جەرلەۋ راسىمىنە 2 ميلليون تەڭگەدەن ءبولىندى.

التىن كەنىشىندەگى قايعىلى جاعدايعا بايلانىستى پوليتسيا سوتقا دەيىنگى تەرگەۋدى باستادى.

سوڭعى جاڭالىقتار