التىنەمەل تابيعي پاركىندەگى فوتوتۇزاق ماڭىندا ارقارلار ءجۇر
استانا. KAZINFORM - فوتوقاقپانىمىزعا ارقار ءتۇستى، دەپ جازدى بۇگىن التىنەمەل ۇلتتىق تابيعي پاركىنىڭ وكىلدەرى instagam پاراقشاسىندا.
ارقار كامەرانى بىردەن بايقاپ قالعان، ءبىراق اسىقپاي، جان-جاعىن يىسكەپ، ءمۇيىزىن كورسەتىپ، جايىمەن جارتاستىڭ ارعى جاعىنا ءوتىپ كەتكەن.
ءتورت كۇننەن كەيىن باسقا فوتوقاقپان تاعى ءبىر ارقاردى ءتۇسىردى. سول ما، باسقاسى ما، بەلگىسىز.
- ايتا كەتەيىك، ارقار (Ovis ammon) قازاقستاننىڭ قىزىل كىتابىنا ەنگەن. فوتوقاقپاندار جانۋارلاردى مازالاماي، ولاردىڭ تابيعي ءومىرىن باقىلاۋعا مۇمكىندىك بەرەدى،-دەلىنگەن جازبادا.
