التى وڭىردە «اتا جولى» كارتاسىن رەسىمدەۋ قىزمەتى ىسكە قوسىلدى
استانا. قازاقپارات - 2024 -جىلى قازاقستاندا FSM Social موبيلدىك قوسىمشاسىن پايدالانا وتىرىپ، قونىس اۋدارۋشىلار مەن قانداستاردى جەرگىلىكتى قوعامداستىققا بەيىمدەۋ جانە ينتەگراتسيالاۋ جونىندەگى قىزمەتتەر ەداۋىر كەڭەيتىلدى.
بۇل قولدانبا 25 ءتۇرلى قىزمەتتى قامتيدى ءارى كورسەتىلەتىن كومەكتىڭ ناتيجەسىن وتباسىنىڭ سيفرلىق كارتاسى ارقىلى باقىلاۋعا بولادى. 12 مىڭعا جۋىق قانداس پەن قونىس اۋدارۋشىلار وسى قىزمەتتەردى پايدالانىپ ۇلگەردى، دەپ حابارلايدى aqshamnews.kz.
2024 -جىلدىڭ قازان ايىنان باستاپ قازاقستاننىڭ التى وڭىرىندە پيلوتتىق رەجيمدە migration.enbek.kz پورتالىنداعى موبيلدى قوسىمشا ارقىلى «قانداس» مارتەبەسىن بەرۋ جانە «اتا جولى» كارتاسىن رەسىمدەۋ قىزمەتى ىسكە قوسىلدى.
زاڭنامالىق باستامالار شەڭبەرىندە قونىس اۋدارۋشىلارعا اۋىل شارۋاشىلىعى ماقساتىنداعى جەر ۋچاسكەلەرىن كونكۋرستان تىس تارتىپپەن بەس جىلعا دەيىنگى مەرزىمگە الۋعا قۇقىق بەرەتىن، سونداي-اق ماتەريالدىق كومەكتى ەسەپتەۋ ءۇشىن شوتتاردان قاراجات ءوندىرىپ الۋعا تىيىم سالاتىن تۇزەتۋلەر قابىلداندى. تۇرعىن ءۇي ساتىپ الۋ جانە قالا تۇرعىندارىن اۋىلدىق جەرلەرگە كوشىرۋدى ىنتالاندىرۋ ءۇشىن ەكونوميكالىق ۇتقىرلىق سەرتيفيكاتتارىن بەرۋ تەتىگىن قايتا قاراۋعا باعىتتالعان تۇزەتۋلەر ازىرلەندى.
سونداي-اق شەتەلدىك ماماندار ءۇشىن سۇرانىسقا يە كاسىپتەردىڭ تىزبەسى كەڭەيتىلدى، تالىمگەرلىكتى ۇيىمداستىرۋ قاعيدالارى جانە شەتەلدىك جۇمىس كۇشىن تارتاتىن جۇمىس بەرۋشىلەر ءۇشىن تالاپتار بەكىتىلدى.
شەتەلدە جۇمىس ىستەيتىن قازاقستاندىقتاردىڭ قۇقىعىن قورعاۋ ءۇشىن قاتارمەن ەكىجاقتى كەلىسىمگە قول قويىلدى، قازاقستاندى جۇمىسقا ورنالاسۋعا رۇقساتتار جۇيەسىنە (Employment Permit System) ەنگىزۋ جونىندەگى كورەيا رەسپۋبليكاسىمەن كەلىسىم بەلسەندى پىسىقتالۋدا، ۇلىبريتانيامەن ەڭبەك كوشى- قونى سالاسىنداعى ىنتىماقتاستىق تۋرالى مەموراندۋم دايىندالۋدا.
