14:56, 26 - قاراشا 2024 | GMT +5
التى ادام زارداپ شەكتى. الماتىدا اۆتوبۋس پەن تەپلوۆوز سوقتىعىستى
الماتى. KAZINFORM - الماتىدا قوعامدىق كولىك پەن پويىز سوقتىعىستى. وقيعا سالدارىنان 6 جولاۋشى جاراقات الدى.
الماتى قالاسى پوليتسيا دەپارتامەنتىنىڭ مالىمەتىنە سايكەس، جول-كولىك وقيعاسى ساعات 11:40-تا المالى اۋدانىندا بولعان.
- جەكە تاسىمالداۋشىعا تيەسىلى №88-اۆتوبۋس اۋەزوۆ كوشەسىمەن سولتۇستىك باعىتتا كەلە جاتىپ، گوگول كوشەسىنىڭ سولتۇستىگىندە باتىسقا قاراي تەمىر جولمەن كەلە جاتقان تەپلوۆوزبەن سوقتىعىستى. جول اپاتى سالدارىنان قوعامدىق كولىكتىڭ 6 جولاۋشىسى زارداپ شەكتى. ولارعا مەديتسينالىق كومەك كورسەتىلدى. وقيعانىڭ باسقا دا ءمان- جاعدايلارى انىقتالىپ جاتىر، - دەپ حابارلادى قالالىق پ د باسپا ءسوز قىزمەتى.
اۆتور
دوسبول اتاجان
