التاي قالاسىنىڭ اكىمى سايلانادى

وسكەمەن. KAZINFORM - شىعىس قازاقستان وبلىسى التاي قالاسىنىڭ اكىمى سايلانادى.

التاي اۋدانىنىڭ ورتالىعى التاي قالاسىنىڭ اكىمىن سايلاۋ 16-اقپانعا بەلگىلەنگەن. بۇل تۋرالى اۋدان اكىمدىگىنەن ءمالىم ەتتى.

- ازىرگە سايلاۋعا تۇسەتىن كانديداتتار بەلگىلەنگەن جوق. التاي قالاسى بويىنشا 20 سايلاۋ ۋچاسكەسى بار. ونىڭ ىشىندە ۇشەۋى جابىق. ال ناقتى قانشا سايلاۋشى داۋىس بەرە الاتىندىعى ازىرگە ەسەپتەلمەدى، - دەپ Kazinform تىلشىسىنە اۋدان اكىمدىگىنەن ءمالىم ەتتى.

ايتا كەتەيىك، 2023 -جىلى التاي اۋدانى اكىمىنىڭ سايلاۋى وتكەن. 45844 ادامنىڭ ىشىنەن 28232 داۋىس جيناعان رەنات قۇرمامبايەۆ اۋدان باسشىسى بولىپ سايلانعان ەدى.

ەسكە سالساق، وسىعان دەيىن مەملەكەت باسشىسى كەزەكتەن تىس پرەزيدەنت سايلاۋى وتەدى دەگەن قاۋەسەتكە قاتىستى پىكىر بىلدىرگەنى حابارلانعان.

اۆتور

تالعاتجان مۇحامەتبەك ۇلى