پالەستينانى جاقتاۋشى توپ ا ق ش كونگرەسى عيماراتتارىنىڭ بىرىنە باسىپ كىردى

ақш конгресі
Фото: Фото: Эллисон Бэйли/NurPhoto/picture Alliance

 يزرايلدىڭ گازاداعى ارەكەتتەرىنە نارازى ۇلكەن توپ ۆاشينگتوننىڭ كاپيتوليىندە ورنالاسقان ا ق ش كونگرەسى عيماراتتارىنىڭ بىرىنە باسىپ كىردى. پوليتسيا اكسياعا قاتىسقان ونداعان ادامدى ۇستاپ اكەتتى. Kazinform بۇل تۋرالى BBC-گە سىلتەمە جاساپ جازادى. 

اگەنتتىك ءتىلشىسى وقيعا ورنىنان حابارلاۋىنشا، اكتسيانى «بەيبىتشىلىك ءۇشىن ەۆرەي ءۇنى» سولشىل ۇيىمى ۇيىمداستىردى. ولار وزدەرىن انتيسيونيستەر جانە گەنوتسيدپەن كۇرەسۋشىلەر دەپ اتايدى، تالابى - يزرايل مەن گازاداعى سوعىستى دەرەۋ توقتاتۋ.

نارازىلىق اكتسياسىنا اسىرەسە، ا ق ش باسشىسى دجو بايدەننىڭ تەل-اۆيۆكە ساپارى سەبەپ بولعان. قارسىلىق تانىتۋشىلاردىڭ كوبى بايدەندى ءيزرايلدىڭ كەز كەلگەن ارەكەتىنە مۇمكىندىك بەرىپ، گازا تۇرعىندارىن قۇربان ەتىپ جاتقانداردى سىنعا المايدى دەپ ايىپتادى.

دەمونسترانتتار «دەرەۋ وق جاۋدىرۋدى توقتاتىڭدار!» دەپ ۇراندادى. كەيىن پوليتسيا ولاردى ۇستاپ، عيماراتتان شىعارىپ جاتتى. ۇستالعانداردىڭ ناقتى سانى بەلگىسىز، ءبىراق ونداعان ادام ەكەنى انىق.

گازا اۋرۋحاناسىندا جارىلىس بولعاننان كەيىن تاياۋ شىعىس ەلدەرىندە نارازىلىق شارالارى كوبەيدى - Euronews

پالەستينالىقتار مەن ولاردىڭ جاقتاستارى سوققىنى يزرايل جاسادى دەپ ايىپتاپ وتىر. ال يزرايل تاراپى عيماراتقا پالەستينالىق زىمىران ءتۇستى دەپ مالىمدەدى.

نارازىلىق شارالارى الەمنىڭ ءبىرقاتار ەلىندە بولىپ جاتىر. يوردانيادا يزرايل ەلشىلىگىنىڭ الدىنا ءبىر توپ ادام جينالسا، بەيرۋتتە اقش ەلشىلىگىنىڭ الدىنا كەلگەن. يوردان تەڭىزىنىڭ باتىس جاعالاۋىنداعى حيەۆروندا ونداعان پالەستينالىق ازامات يزرايل ساربازدارىمەن قاقتىعىسىپ قالدى. نابلۋس پەن راماللاحادا دا قارسى توپ اكتسياعا شىقتى.

باعدادتا ميتينگىگە قاتىسۋشىلار الاڭعا جينالىپ، «جاسىل ايماققا»، ياعني امەريكا ۇكىمەتى وتىرعان جەرگە كىرۋگە تىرىستى، ءبىراق قاۋىپسىزدىك كۇشى ولارعا مۇمكىندىك بەرمەدى.

ىستانبۇلدا ەرەۋىلشىلەر جيىنى پوليتسيامەن قاقتىعىسقا ۇلاسىپ، 60 ادام زارداپ شەكتى، تارتىپسىزدىكتى ۇيىمداستىرعان بەس ادام قاماۋعا الىندى. گازا اۋرۋحاناسىنا سوققىدان جۇزدەگەن ادامنىڭ قازا بولۋىنا بايلانىستى تۇركيا بيلىگى ۇشكۇندىك ازا تۇتۋ جاريالادى.

تەگەراندا نارازى توپ يزرايل تۋلارىن ورتەپ، فرانسيا مەن ۇلى بريتانيا ەلشىلىگىنە جۇمىرتقا لاقتىردى.

نيۋ-يوركتە ءبىر ۋاقىتتا يزرايلدى جاقتاۋشىلار مەن پالەستينالىقتاردى قولداۋشىلار كوشەگە شىقتى. پوليتسيا قاقتىعىستى بولدىرماس ءۇشىن ولاردى ەكى توپقا بولۋگە ءماجبۇر بولدى.

سوڭعى جاڭالىقتار