پالەستينانىڭ جاڭا پرەمەر-ءمينيسترى تاعايىندالدى

Палестинаның жаңа премьер-министрі тағайындалды
فوتو: aa.com.tr

راماللا. KAZINFORM - پالەستينا پرەزيدەنتى ماحمۋد ابباس پالەستينا ينۆەستيتسيالىق قورىنىڭ ءتوراعاسى مۇحاممەد مۇستافانى جاڭا پرەمەر-مينيستر ەتىپ تاعايىندادى. ابباس ءتيىستى جارلىققا قول قويدى. بۇل تۋرالى Anadolu اگەنتتىگى حابارلادى.

«ءبىز ءسىزدى پرەمەر-مينيستر ەتىپ تاعايىنداۋ تۋرالى شەشىم قابىلدادىق جانە سىزگە زاڭمەن بەلگىلەنگەن مەرزىمدە پالەستينانىڭ 19-شى ۇكىمەتىن قۇرۋدى تاپسىردىق»، - دەلىنگەن جارلىقتا.

پالەستينا ۇلتتىق اكىمشىلىگىنىڭ باسشىسى جاڭا پرەمەر-ءمينيستردى «پالەستينا حالقىنىڭ مۇددەلەرىن قورعاۋعا، ونىڭ جەتىستىكتەرىن ساقتاۋعا، ارتتىرۋعا جانە ولاردىڭ ماقساتتارىنا جەتۋگە كومەكتەسۋگە» شاقىردى.

جاڭا ۇكىمەتتىڭ، ابباستىڭ كەڭسەسىنىڭ نەگىزگى باسىمدىقتارى: «گازا سەكتورىنىڭ ەكونوميكاسىن قالپىنا كەلتىرۋگە جەدەل كوشۋ»، «پالەستينا انكلاۆىنىڭ وڭتۇستىگى مەن سولتۇستىگىندە يزرايلدىك اسكەريلەر قيراتقان اۋماقتاردى قالپىنا كەلتىرۋ»، «تاۋەلسىز پالەستينا مەملەكەتىنىڭ بولاشاعىنا دەگەن ناقتى كوزقاراس قالىپتاستىرۋ» جانە ەكونوميكا مەن مەملەكەتتىك قاۋىپسىزدىك سالالارىنداعى رەفورمالار بولۋى جوسپارلانعان.

پرەمەر-مينيستر بولىپ تاعايىندالعان مۇحاممەد مۇستافا دۇنيەجۇزىلىك بانك پەن پالەستينا بيلىگىنىڭ مەكەمەلەرىندە، سونىڭ ىشىندە پالەستينا ينۆەستيسيالىق قورىندا ءتۇرلى لاۋازىمداردا جۇمىس ىستەگەن.

اۆتور
جاراسقان نۇرىبايەۆ

سوڭعى جاڭالىقتار