پالەستينا سىرتقى ىستەر جانە ەكسپاتريانتتار مينيسترلىگىنىڭ رەسمي مالىمدەمەسى

 قازاقستانداعى پالەستينا ەلشىلىگى پالەستينا مەملەكەتى سىرتقى ىستەر جانە ەكسپاتريانتتار مينيسترلىگىنىڭ مالىمدەمەسىن تاراتتى، دەپ حابارلايدى Kazinform اگەنتتىگى.

Фаластин
Фото: Фото: pexels.com

«ءبىز ساياسي كوكجيەكتى شەكتەۋدىڭ، پالەستينا حالقىن ءوز تاعدىرىن ءوزى شەشۋگە جانە مەملەكەت قۇرۋعا زاڭدى قۇقىعىن جۇزەگە اسىرۋ مۇمكىندىگىنەن ايىرۋدىڭ سالدارى تۋرالى بىرنەشە رەت ەسكەرتتىك. سونداي- اق، كۇندەلىكتى ارانداتۋشىلىق پەن شابۋىلداردىڭ، قونىستانۋشىلار مەن باسقىنشى كۇشتەردىڭ توقتاۋسىز لاڭكەستىك ارەكەتتەرى، ءال- اقسا مەشىتى جانە حريستياندار مەن مۇسىلمانداردىڭ قاسيەتتى ورىندارىنا جاسالعان رەيدتەردىڭ سالدارى تۋرالى دا ەسكەرتىلدى»، - دەلىنگەن مالىمدەمەدە.

مينيسترلىكتىڭ رەسمي مالىمدەمەسىندە پالەستينادا قاۋىپسىزدىك، تۇراقتىلىق جانە بەيبىتشىلىكتىڭ قالاي قامتاماسىز ەتىلەتىنى ايتىلعان.

«1967 -جىلعى استاناسى شىعىس يەرۋساليم بولعان پالەستينا مەملەكەتىنىڭ جەرىنە يزرايل باسقىنشىلىعى اياقتالىپ، حالىقتىڭ تاۋەلسىزدىك پەن ەگەمەندىك قۇقىقتارى مويىندالعاندا ءبىزدىڭ ايماقتا قاۋىپسىزدىك، تۇراقتىلىق جانە بەيبىتشىلىكتى قامتاماسىز ەتىلەدى.

يزرايلدىڭ قول قويىلعان كەلىسىمدەردەن باس تارتۋى جانە حالىقارالىق زاڭدىلىق رەزوليۋتسيالارىن ساقتاماۋى بەيبىتشىلىك پروتسەسىنىڭ كۇيرەۋىنە، 75 جىل ازاپ پەن كوشىپ- قونۋعا ۇشىراعان پالەستينا ماسەلەسىنىڭ شەشىمىن تاپپاۋىنا جانە قوس ستاندارت ساياساتىنىڭ جالعاسۋىنا اكەلدى. حالىقارالىق قاۋىمداستىقتىڭ يزرايل باسقىنشى كۇشتەرىنىڭ پالەستينا حالقىنا قارسى قىلمىستىق جانە ناسىلشىلدىك ارەكەتتەرىنە قاتىستى ءۇنسىز قالۋى جانە پالەستينالىقتاردىڭ وسى كۇنگە دەيىن كورىپ كەلە جاتقان ادىلەتسىزدىگى مەن قىسىمى جاعدايدى قاتتى ۋشىقتىرىپ، تىنىشتىقتىڭ بۇزىلۋىنا سەبەپ بولدى. بەيبىتشىلىك پروتسەسى پالەستينا حالقى ءۇشىن ادىلەتتىلىكتى، ەركىندىك پەن تاۋەلسىزدىكتى، بوسقىنداردىڭ قايتارىلۋىن جانە حالىقارالىق زاڭدىلىققا سايكەس قارارلاردىڭ تولىق ورىندالۋىن تالاپ ەتەدى»، - دەلىنگەن پالەستينا مەملەكەتى سىرتقى ىستەر جانە ەكسپاتريانتتار مينيسترلىگىنىڭ مالىمدەمەسىندە.

سوڭعى جاڭالىقتار