القابيلەردىڭ قاتىسۋىمەن وتەدى: بيشىمبايەۆتىڭ باستى سوتى 27-ناۋرىزعا بەلگىلەندى

Қуандық Бишимбаев
Фото: Астана қаласы Қылмыстық істер жөніндегі мамандандырылған ауданаралық соты

استانا. KAZINFORM - بۇگىن استانا قالاسى قىلمىستىق ىستەر جونىندەگى مامانداندىرىلعان اۋدانارالىق سوتىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ ىسىنە قاتىستى الدىن الا تىڭداۋ اياقتالدى.

سوت زالىنا ب ا ق وكىلدەرى بۇگىن دە جىبەرىلمەي، ونلاين قاتىستى.

«ق ر قىلمىستىق كودەكستىڭ 110-بابى 2-بولىگىنىڭ 1-تارماعىندا جانە 99-بابى 2-بولىگىنىڭ 5-تارماعىنا سايكەس قىلمىستىق قۇقىق بۇزۋشىلىق جاسادى دەپ ايىپتالعان ق. بيشىمبايەۆقا قاتىستى قىلمىستىق ءىس بويىنشا باس سوت تالقىلاۋى تاعايىندالدى. باستى سوت وتىرىسى 2024-جىلعى 27-ناۋرىزدا ساعات 10:00 دە استانا قالاسى، كەنەسارى كوشەسى، 3 مەكەنجايىندا القابيلەردىڭ قاتىسۋىمەن وتەدى»، - دەدى سۋديا ايجان قۇلبايەۆا شەشىمدى وقي وتىرىپ.

Қуандық Бишимбаев
Фото: Астана қаласы Қылмыстық істер жөніндегі мамандандырылған ауданаралық соты

سونداي-اق، سۋديا ق ر قىلمىستىق-پروتسەستىك كودەكستىڭ 320، 321-باپتارىن باسشىلىققا الا وتىرىپ، كۇدىكتى ق. بيشىمبايەۆ پەن ب. بايجانوۆتىڭ قورعاۋشىلارىنىڭ ءوتىنىشىن قاناعاتتاندىرۋدان باس تارتتى.

«پروكۋرورعا ايىپتاۋ اكتىسىنىڭ كوشىرمەسىن سوتتالۋشىنىڭ قورعاۋشىلارىنا تاپسىرۋ مىندەتتەلەدى. ق ر قىلمىستىق كودەكستىڭ 110-بابىنىڭ 2-تارماعىنىڭ 1-تارماعىندا، 99-بابىنىڭ 2-تارماعىنىڭ 5-تارماعىنا سايكەس قىلمىستىق قۇقىق بۇزۋشىلىق جاسادى دەپ ايىپتالۋشىنىڭ ق. بيشىمبايەۆقا قاتىستى جانە ق ر قىلمىستىق كودەكستىڭ 432، 434-باپتارىندا كوزدەلگەن قىلمىستىق قۇقىق بۇزۋشىلىقتار جاسادى دەپ ايىپتالۋشىنىڭ ب. بايجانوۆقا قاتىستى باستى سوت وتىرىسىندا اۋديو جانە بەينەجازبا قۇرالدارى قولدانىلادى»، - دەيدى ول.

Айжан Құлжанова
Фото: Астана қаласы Қылмыстық істер жөніндегі мамандандырылған ауданаралық соты

ودان بولەك، سۋديا ا. قۇلبايەۆا باستى سوت وتىرىسىنا القابيلەردىڭ ءبىرىڭعاي تىزىمىنەن 300 كانديداتتى شاقىرۋدى تالاپ ەتتى. سوت ءىسى ورىس تىلىندە جۇرەدى.

«سوتتالۋشىنىڭ قاماۋدا ۇستاۋ تۇرىندەگى بۇلتارتپاۋ شاراسى ساقتالسىن، ءىستى سوتتا قاراۋ كەزەڭىنە ارنالعان مەرزىم ءىس سوتقا كەلىپ تۇسكەن كۇننەن باستاپ 6 ايعا دەيىن ۇزارتىلسىن. قاۋلى تۇپكىلىكتى، شاعىمدانۋعا جانە نارازىلىق بىلدىرۋگە جاتپايدى»، - دەپ تولىقتىردى سۋديا.

прокурор
Фото: Астана қаласы Қылмыстық істер жөніндегі мамандандырылған ауданаралық соты

ايتا كەتەيىك، كەشە استانادا قۋاندىق بيشىمبايەۆتىڭ ءىسى بويىنشا الدىن الا تىڭداۋ باستالدى. سوت زالىنا جۋرناليستەر تىكەلەي قاتىسا المادى، ب ا ق وكىلدەرى ءۇشىن بولەك زالدا تىكەلەي كورسەتىلىم ۇيىمداستىرىلدى. ەكس-شەنەۋنىكتىڭ ىسىنە قاتىستى الدىن الا تىڭداۋعا 80 گە جۋىق ب ا ق وكىلى قاتىستى.

الدىن الا تىڭداۋ بارىسىندا پروكۋرور ەكس-شەنەۋنىك قۋاندىق بيشىمبايەۆقا قاتىستى ءىستىڭ ءمان-جايىمەن تانىستىردى.

سوڭعى جاڭالىقتار