الەۋمەتتىك قولداۋ مەملەكەتتىڭ قارجىلىق مۇمكىندىگىنە قاراي بەرىلەدى - تامارا دۇيسەنوۆا

الەۋمەتتىك قولداۋ مەملەكەتتىڭ قارجىلىق مۇمكىندىگىنە قاراي بەرىلەدى. بۇل تۋرالى پرەمەر-ءمينيستردىڭ ورىنباسارى تامارا دۇيسەنوۆا ايتتى، دەپ حابارلايدى Kazinform.

Jibek Joly تەلەارناسىنىڭ «ۋادە» باعدارلاماسىنا بەرگەن سۇحباتىندا ۆيتسە-پرەمەر الەۋمەتتىك قولداۋدىڭ تۇرلەرىنە توقتالدى.

«ءبىرىنشى - الەۋمەتتىك قامسىزداندىرۋ. ەگەر ازامات تاۋەكەلگە تاپ بولسا، وندا ونىڭ بۇرىن الىپ جۇرگەن تابىسىن تولىق قامتاماسىز ەتۋىمىز كەرەك. ماسەلەن، ازامات جۇمىس ىستەپ ءجۇرىپ، 100 پايىز مۇگەدەك بولسا، وندا ونىڭ بۇرىن الىپ جۇرگەن ايلىعىن 100 پايىز تولەۋىمىز كەرەك. ەگەر 2، 3-توپ مۇگەدەگى بولسا، وندا سول توپتارعا سايكەس بەرىلەدى. ەكىنشىسى - الەۋمەتتىك جاردەماقى. الەۋمەتتىك جاردەماقى كومەك رەتىندە بەرىلەدى. اتاۋلى الەۋمەتتىك كومەكتى الايىق. بۇل كومەك مەملەكەتتىڭ قارجىلىق مۇمكىندىگىنە قاراي تاعايىندالادى. ەگەر مەملەكەتتىڭ قارجىلىق مۇمكىندىگى ءتاۋىر بولسا، قانداي دا ءبىر كومەك كورسەتە الادى»، - دەدى تامارا دۇيسەنوۆا.

ماسەلەن، ونىڭ ايتۋىنشا، رەسەيدە ناقتى سوما كورسەتىلگەن. تەك سول سومانى عانا بەرىپ وتىرادى.

«ال ءبىز مەملەكەت تاراپىنان ازاماتقا بەرىلەتىن قوسىمشا كومەك بولعاندىقتان ايلىق ەسەپتىك كورسەتكىشتى قاراستىردىق. ا ە ك جىل سايىن ينفلياتسيا دەڭگەيىندە ءوسىپ وتىرادى. الەۋمەتتىك قامسىزداندىرۋ جانە الەۋمەتتىك قولداۋ جۇيەسى بار. الەۋمەتتىك قامسىزداندىرۋ مەملەكەت تاراپىنان كەپىلدەندىرىلگەن. ال الەۋمەتتىك قولداۋ مەملەكەتتىڭ قارجىلىق مۇمكىندىگىنە قاراي بەرىلەدى»، - دەدى ول.