الەۋمەتتىك جەلىدەگى الاياقتىقپەن كۇرەسۋ ءۇشىن جۇمىس توبى قۇرىلادى
استانا. KAZINFORM - مادەنيەت جانە اقپارات ءمينيسترى ايدا بالايەۆا Meta كومپانياسىمەن ىنتىماقتاستىقتىڭ نەگىزگى باعىتىنا توقتالدى.
- ءبىز الەۋمەتتىك جەلىلەردىڭ بارلىعىمەن، ونىڭ ىشىندە Meta مەن دە ديالوگ جۇرگىزىپ جاتىرمىز. ءوزارا جاقسى قارىم- قاتىناس ورناعان. ولار زاڭعا قايشى كونتەنتتەردى جويۋدا جانە تاراتپاۋعا ۇلكەن كومەگىن كورسەتىپ جاتىر. ءبىراق تاعى ءبىر ماسەلە، وزدەرىڭىز دە كورىپ وتىرعانداي، الاياقتىق جارنامالاردىڭ تارالۋى جيىلەپ كەتتى. اۋقىمى وتە ۇلكەن. بۇل جايت تەك ءبىزدىڭ مينيسترلىكتى عانا ەمەس، سونىمەن قاتار Meta كومپانياسىن دا الاڭداتادى. سوندىقتان بىرلەسكەن جۇمىس توبىن قۇرۋ، ماسەلەنى تەحنيكالىق رەتتەۋ تۋرالى شەشىم قابىلدادىق، - دەدى مينيستر اقوردادا ب ا ق وكىلدەرىنە بەرگەن سۇحباتىندا.
بۇعان دەيىن قازاقستان Meta مەن بىرگە ج ي ماماندارىن ازىرلەيتىن باعدارلامانى ىسكە قوساتىنىن جازعان ەدىك.
ايتا كەتەيىك، قازىرگى ۋاقىتتا اقوردادا مەملەكەت باسشىسى قاسىم-جومارت توقايەۆ پەن يتاليا پرەمەر- ءمينيسترى دجوردجا مەلوني جوعارى دەڭگەيدە كەلىسسوز جۇرگىزىپ جاتىر.
