الەۋمەتتىك جەلىدە تىكەلەي ەفيرگە شىققان شىمكەنتتىك كولىك جۇرگىزۋشىسى جاۋاپقا تارتىلدى
شىمكەنت. KAZINFORM - ول كولىگىنە تىيىم سالىنعان قۇرىلعىلاردى ورناتقان.
اۆتوكولىگىن زاڭسىز جابدىقتاپ، ارنايى جارىق سيگنالدارىن ورناتقان جۇرگىزۋشىنى پوليسەيلەر الەۋمەتتىك جەلىدەن كورگەن. مونيتورينگ جۇرگىزۋ بارىسىندا تىكەلەي ەفيرگە شىققان تۇرعىننىڭ جۇرگەن جەرىن بىردەن انىقتاعان.
جەدەل باسقارۋ ورتالىعىنىڭ بەينەباقىلاۋ ينسپەكتورلارى قۇقىق بۇزۋشىنى ۇستاۋعا پاترۋلدىك ەكيپاجدى باعىتتادى.
- جۇرگىزۋشى اكىمشىلىك جاۋاپقا تارتىلدى. ونىڭ تاراپىنان اتالعان قۇقىق بۇزۋشىلىق بيىل ەكىنشى رەت قايتالانعانى انىقتالدى. كولىك قۇرالى ايىپتۇراققا قويىلدى. قۇقىق قورعاۋشىلار كولىك جۇرگىزۋشىلەرىن ارنايى جارىق جانە دىبىس سيگنالدارىن زاڭسىز پايدالانۋعا قاتاڭ تىيىم سالىنعانىن ەسكەرتەدى، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
