الەۋمەتتىك جەلىدە تەرىس ءدىني اعىمدى ناسيحاتتاعان 40 جاستاعى تۇرعىن جاۋاپقا تارتىلدى
الەۋمەتتىك جەلىدە تەرىس ءدىني اعىمدى ناسيحاتتاعان 40 جاستاعى شىمكەنتتىك جاۋاپقا تارتىلدى، دەپ حابارلايدى Kazinform.
تەولوگ مامانداردىڭ قورىتىندىسىنا سايكەس، ازامات ق ر-نىڭ ءدىني قىزمەت جانە ءدىني بىرلەستىكتەر تۋرالى زاڭناماسىن بۇزعان. زاڭ بۇزۋشىعا قاتىستى ق ر ا ق ب ت ك-نىڭ 490-بابىمەن حاتتاما تولتىرىلىپ، سوت شەشىمىمەن 50اەك كولەمىندە ايىپپۇل سالىندى.
«ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل-پروفيلاكتيكالىق ءىس-شارالار كەزىندە اقپاراتتىق جۇيەگە مونيتورينگ جۇرگىزدى. تەرىس ءدىني مازمۇنداعى كىتاپتاردى ساتۋمەن جانە سول تەكتەس اقپاراتتاردى تاراتۋمەن اينالىساتىن عالامتور بەتتەرىن سارالادى. ناتيجەسىندە، الەۋمەتتىك جەلىگە جات اعىمداعى بەينە ماتەريالداردى جۇكتەگەن 40 جاستاعى قالا تۇرعىنى كۇدىككە ءىلىندى» - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
