الەمدىك فۋتبول جۇلدىزى سۋ تاسقىنىنان زارداپ شەككەن اقتوبەلىك وتباسىلارمەن كەزدەستى
اقتوبە. KAZINFORM - فرانسيا ۇلتتىق قۇراماسى مەن اعىلشىندىق «چەلسي» كومانداسىنىڭ بۇرىنعى ويىنشىسى كلود ماكەلەلە اقتوبە وبلىسىندا قۇرىلعان قوعامدىق شتاب وكىلدەرىمەن بىرگە ق. جۇبانوۆ اتىنداعى اقتوبە وڭىرلىك ۋنيۆەرسيتەتىنىڭ جاتاقحاناسىنداعى ۋاقىتشا ورنالاستىرۋ پۋنكتىنە بارىپ، سۋ تاسقىنىنان زارداپ شەككەن وتباسىلارمەن كەزدەسىپ، جاعدايلارىمەن تانىستى.
سونداي-اق، كەزدەسۋ بارىسىندا اتاقتى اياقدوپ شەبەرى جاتاقحاناداعى وتباسىلاردىڭ بالالارىنا ەستەلىك رەتىندە قولتاڭباسى بار فۋتبول دوبىن سىيلاپ، بولاشاعىن فۋتبولمەن بايلانىستارىن جاس ورەندەرگە الاڭدا دوپ تەبۋدىڭ قىر-سىرى، ءادىس-تاسىلدەرى، ۇلكەن سپورتتا تابىسقا جەتۋ جولدارى، ومىرلىك تاجىريبەسى جايىندا ايتىپ، بولاشاقتا ۇلكەن فۋتبول جۇلدىزى بولۋدى تىلەدى.
شارا اقتوبە وبلىستىق قوعامدىق شتاب وكىلدەرىنىڭ باستاماسىمەن ءوتتى.
ەسكە سالايىق، ەسىمى اڭىزعا اينالعان فۋتبولشى اقتوبە قالاسىنا «Super bol» - تالانتتاردى تاڭداۋعا ارنالعان شارانىڭ قۇرمەتتى قوناعى رەتىندە كەلگەن.
جوبانىڭ ماقساتى - اۋەسقوي ويىنشىلاردى كاسىپقوي فۋتبول دەڭگەيىنە دەيىن كوتەرۋ.
اۆتور
اسحات رايقۇل
