الەمدىك ب ا ق-تاعى قازاقستان: ميشۋستين ساپارى، اتىراۋدان تابىلعان ارتەفاكت جانە گولليۆۋدتاعى قازاقتار

قازاقستان قاڭتار ايىنىڭ سوڭعى اپتاسىندا الەمدىك مەديانىڭ نازارىنان تۇسپەدى. ەلگە قاتىستى ساياسي- ەكونوميكالىق، تاريحي جاڭالىقتار كوپ ايتىلعانىن بايقادىق. ر ف ۇكىمەتى باسشىسى ميحايل ءميشۋستيننىڭ ساپارىندا قابىلدانعان شەشىمدەر، «قاشاعاننان» باستالعان مۇناي ترانزيتى، تالقىداعى سالىق وزگەرىسى سەكىلدى اقپار تارالدى. اراسىندا اتىراۋدان تابىلعان تاريحي جادىگەر مەن گولليۆۋدتاعى قازاق كاسكادەرلەردىڭ جەتىستىگى دە بار. تولىعىراق Kazinform ءتىلشىسىنىڭ شولۋىنان وقىڭىز.

Әлемдік БАҚ
كوللاج: Kazinform

TACC: رەسەيمەن جان-جاقتى سەرىكتەستىك دامىماق

قازاقستان رەسەيمەن بارلىق باعىتتار بويىنشا تولىققاندى قارىم- قاتىناستى دامىتۋعا دايىن. مۇنداي پىكىردى ق ر پرەمەر-ءمينيسترى ولجاس بەكتەنوۆ رەسەيلىك ارىپتەسى ميحايل ميشۋستينمەن كەزدەسۋ بارىسىندا مالىمدەگەن. ۇكىمەت باسشىسىنىڭ ءسوزىن TACC ءبولىستى.

وسى اپتادا ميحايل ميشۋستين جۇمىس ساپارىمەن قازاقستانعا كەلدى. رەسەي ۇكىمەتىنىڭ ءتوراعاسى قازاقستان پرەزيدەنتى قاسىم-جومارت توقايەۆ جانە پرەمەر-مينيستر ولجاس بەكتەنوۆپەن كەزدەسىپ، الماتىداعى ەۋرازيالىق ۇكىمەتارالىق كەڭەس وتىرىسى مەن Digital Almaty 2025 تەحنولوگيالىق فورۋمىنا قاتىستى.

«مەملەكەت باسشىلارى قاسىم-جومارت توقايەۆ پەن ۆلاديمير ءپۋتيننىڭ بىرلەسكەن كۇش-جىگەرىنىڭ ارقاسىندا ەكىجاقتى ىنتىماقتاستىعىمىز ساپالى جاڭا دەڭگەيگە كوتەرىلدى. ماڭىزدى مىندەت - جوعارى دەڭگەيدە قول جەتكىزىلگەن ۋاعدالاستىقتاردىڭ ءىس جۇزىندە ورىندالۋىن قامتاماسىز ەتۋ. قازاقستان ۇكىمەتى تىعىز ءوزارا ءىس-قيمىل جاساۋعا جانە بارلىق سالادا ىنتىماقتاستىقتى دامىتۋعا دايىن»، - دەپ اتاپ ءوتتى ولجاس بەكتەنوۆ.

ءوز كەزەگىندە ميشۋستين قازاقستاندى رەسەيدىڭ ستراتەگيالىق سەرىكتەسى جانە وداقتاسى دەپ اتاپ ءوتتى. ونىڭ ايتۋىنشا، ۆلاديمير پۋتيننىڭ قازاقستانعا مەملەكەتتىك ساپارى ەكىجاقتى قارىم-قاتىناستى ودان ءارى دامىۋعا سەپتەسىپ، ماڭىزدى ۋاعداعا قول جەتكىزۋگە ىقپال ەتكەن. سونداي-اق قوس ەل ۇكىمەتىنىڭ مىندەتى - مەملەكەت باسشىلارى جاساعان كەلىسىمنىڭ ناقتى ورىندالۋىن قامتاماسىز ەتۋ ەكەنىن ايتتى.

Report: SOCAR مۇناي ترانزيتىن باستايدى

جىل سايىن «باكۋ- تبيليسي- دجەيحان» مۇناي قۇبىرى ارقىلى «قاشاعان» كەن ورنىنان 240 مىڭ توننا مۇناي تاسىمالدانادى. مۇندا نەگىزگى تاسىمالدى ازەربايجان مەملەكەتتىك مۇناي كومپانياسى (SOCAR) جۇرگىزەتىنى تاعى بار. بيىل دا تاسىمال جالعاسپاق. بۇل تۋرالى Report اقپارات اگەنتتىگى حابارلادى.

«SOCAR «باكۋ- تبيليسي- دجەيحان» قۇبىرى ارقىلى مۇناي ءترانزيتىن باستايدى. 25-قاڭتاردا اقتاۋ پورتىنان كولەمى 6 مىڭ تونناعا جۋىق «قاشاعان» كەن ورنىنىڭ مۇنايى تانكەرگە تيەلدى، العاشقى پارتياسى 27-قاڭتاردا سانگاچال تەرمينالىنا كەلىپ جەتتى. «قاشاعان» كەن ورنىنان شىققان مۇنايدى اقتاۋ پورتىنان باكۋگە دەيىن قازاقستاننىڭ Taraz تانكەرى جەتكىزگەن. كەيىن «دجەيحان» پورتىنا قۇبىر ارقىلى تاسىمالدانادى. ەستە بولسا، بيىل 15-قاڭتاردا SOCAR Midstream Operations LLC (SOCAR- دىڭ ەنشىلەس قۇرىلىمى) مەن KMG Trading («قازمۇنايگاز»-دىڭ ەنشىلەس كومپانياسى) اراسىندا كەلىسىم جاسالدى. وعان سايكەس جىلىنا 240 مىڭ توننا «قاشاعان» مۇنايىن ترانزيتتەۋگە جول اشىلماق»، - دەلىنگەن حابارلامادا.

ايتا كەتەيىك، 2022 -جىلى قاراشادا SOCAR مەن ق م گ اراسىندا «تەڭىز» كەن ورنىنان جىلىنا 1,5 ميلليون توننا مۇناي ترانزيتىن جۇزەگە اسىرۋ تۋرالى كەلىسىمگە قول قويىلعان. 2024 -جىلعى اقپاندا تاراپتار ازەربايجان اۋماعى ارقىلى قازاقستاندىق مۇناي ترانزيتىنىڭ كولەمىن كەزەڭ- كەزەڭمەن ۇلعايتۋ تۋرالى كەلىستى. سول جىلى ناۋرىز ايىندا ەكى مەملەكەت ازەربايجان اۋماعى ارقىلى مۇناي ءترانزيتىن جىلىنا 2,2 ميلليون تونناعا دەيىن ۇلعايتۋعا ۋاعدالاسقان بولاتىن.

daryo: ق ق س-نى 20 پايىزعا كوتەرۋ ماسەلەسى تالقىلانىپ جاتىر
قازاقستان قوسىلعان قۇن سالىعىن 12 پايىزدان 20 پايىزعا كوتەرۋى مۇمكىن. بۇل وزگەرىس نارىقتاعى تاۋار باعاسىنىڭ وسۋىنە اكەلىپ، ەكونوميكاعا تەرىس اسەر ەتۋى ىقتيمال دەگەن كۇدىك جوق ەمەس. اقپاراتتى Daryo جاريالادى.

قازىردىڭ وزىندە تاقىرىپقا قاتىستى ساراپشىلار پىكىرى الاڭداتارلىق. نان، ءسۇت سەكىلدى ماڭىزدى ازىق-تۇلىك قىمباتتايدى دەپ وتىر. ماسەلەن، نانىڭ كەلىسى 266 تەڭگەدەن (0.51 ا ق ش دوللارى) 333 تەنگەگە (0.64 ا ق ش دوللارى) دەيىن ۇلعايادى. كاسىپكەرلەر دە باعانىڭ وسەتىنىن جاسىرمايدى.

ەكونوميست جانگەلدى سۇلەيمەنوۆتىڭ ايتۋىنشا، قاراپايىم ناۋبايحانا نان ءونىمىن دايىنداۋعا ارنالعان شيكىزاتتى 20 پايىزعا قىمبات ساتىپ الاتىن بولادى. كاسىپكە شىعىن كەلسە، ونى حالىق قالتاسىنان تولەۋگە ءماجبۇر. ساراپشىلار وزگەرىس كاسىپكەرلەرگە عانا ەمەس، حالىقتىڭ تولەم قابىلەتىنە دە اسەر ەتەتىنىن ايتۋدا.

Anadolu: قازاقستاندا عاسىرلىق تاريحى بار جادىگەرلەر تابىلدى
بۇعان دەيىن اتىراۋ وبلىسى ماڭىندا سارمات قابىرلەرىنە قازبا جۇمىسى جۇرگىزىلگەن ەدى. زەرتتەۋ ناتيجەسىندە كوپ عاسىرلىق تاريحى بار قۇندى جادىگەرلەر تابىلعان. بۇل ولجا «قاراباۋ-2» قورعانىنان تابىلعان ماڭىزدى ارتەفاكت قاتارىندا. ءسۇيىنشى جاڭالىقتى Anadolu اقپارات اگەنتتىگى جەتكىزدى.

جادىگەرلەر اتىراۋ ايماقتىق جانە تاريحي مۇراجايىنداعى كورمەدە العاش رەت كورەرمەن نازارىنا ۇسىنىلدى. ىشىندە قوس قاپتالىنا تاۋ بارىسى بەينەلەنگەن سالماعى 370 گرام بولاتىن التىن بىلەزىك ەرەكشە دارالانعان.

ارحەولوگ مارات قاسەنوۆتىڭ ايتۋىنشا، اتىراۋ ايماعى - سارمات يمپەرياسى بيلىك ەتكەن مەكەن. عالىمدار اراسىنداعى بۇل بولجامدى ارحەولوگيالىق قازبا جۇمىستارى دالەلدەپ ۇلگەرگەن.

«تابىلعان كونە جادىگەرلەردىڭ جالپى سانى (سارمات كەزەڭىنە جاتاتىن) شامامەن 1000 دى قۇرايدى. ولاردىڭ 100 ى - التىن اشەكەيلەر. اشەكەيلەردە سول كەزدە ايماقتا مەكەندەگەن جىرتقىش جانۋارلار - قابان مەن جولبارىس بەينەلەنگەن. جاقىندا جۇرگىزىلگەن قازبا جۇمىستارىنىڭ ناتيجەسىندە اعاشتان جاسالعان 2 توستاعان تاپتىق، ولار جاقسى ساقتالعان»، - دەدى ول.

Euronews: گولليۆۋد موتيۆىنەن كينونىڭ التىن داۋىرىنە دەيىن
Euronews تەلەارناسىنىڭ سايتىندا ۇنامدى ءداستۇر بار. كەيىنگى ۋاقىتتا Modern Nomads ايدارىمەن شەتەلدە تابىسقا كەنەلىپ جۇرگەن قازاقستاندىقتار تۋرالى حابار تاراتۋعا بەت العان. بۇل جولعى تىلشىلەر نىسانى Nomad Stunts ستۋدياسى بولىپتى.

بۇگىنگى قازاقتىڭ كوشپەلى تاريحى مەن تامىرىن كينو الەمىنە دەندەتە ەنگىزىپ جۇرگەن ۇزدىك كاسكادەرلەر مەن رەجيسسەرلەر جەتەرلىك. ولار وزىندىك وبرازىن قالىپتاستىرىپ ۇلگەردى. اسىرەسە، كوشپەلى مۇرانى جاھاندىق ونەرمەن ۇشتاستىرۋا وتىرۋ ارقىلى كينەماتوگرافيا ورتالىعىنا اينالىپ كەلەدى. بۇگىندە «ناپولەون» جانە «مۋلان» سەكىلدى فيلمدەردە قولدانىلعان تريۋكتەر، مەن «دالا قاسقىرى» سەكىلدى فيلمدەردە قازاقتاردىڭ قولتاڭباسى بار.

جايداربەك كۇنعوجينوۆ جەتەكشىلىك ەتەتىن Nomad Stunts ستۋدياسى كينو الەمىندە تانىمال كاسكادёر شەبەرلىكتى دامىتۋدا. ال ءادىلحان ەرجانوۆ سەكىلدى رەجيسسەرلەر كينو الەمىندە ءىز قالدىرىپ كەلەدى. سىنشىلار بۇل ءۇردىستى مەملەكەت قولداۋى مەن شىعارماشىلىق باسەكەنىڭ ناتيجەسى ەكەنىن جوققا شىعارمايدى. ءتىپتى ەلىنىڭ مادەنيەتى مەن شىعارماشىلىق الەۋەتىن كورسەتە بىلگەن بۋىن قازاق كينەماتوگرافياسىنىڭ التىن عاسىرىن قالىپتاستىرۋدا.

اۆتور

ەرسىن شامشادين

سوڭعى جاڭالىقتار