الەمدىك ب ا ق- تاعى قازاقستان: كوشپەندىلەر اسحاناسى، ۆەنچۋرلىق كاپيتال، ينۆەستيالىق قور

وسى اپتادا شەتەلدەگى باسىلىمدار قازاقستان تۋرالى ءتۇرلى ماتەريال جاريالادى. سونىڭ ىشىندە پرەزيدەنت قاسىم-جومارت توقايەۆتىڭ ازەربايجانعا مەملەكەتتىك ساپارى، الماتىدا وتكەن В5+1 فورۋمى، سونداي-اق ەلىمىزدىڭ تۋريستىك الەۋەتى تۋرالى جازدى.

تولىعىراق Kazinform ءتىلشىسىنىڭ شولۋىن ۇسىنامىز.

Trend: ازەربايجان-قازاقستان جوعارى دەڭگەيدەگى ۇكىمەتارالىق كەڭەسىنىڭ ءبىرىنشى وتىرىسى

ازەربايجاندىق trend باسىلىمى ەكى ەلدىڭ باسشىلارى ازەربايجان-قازاقستان جوعارى دەڭگەيدەگى ۇكىمەتارالىق كەڭەسىنىڭ ءبىرىنشى وتىرىسىنا قاتىسقانى تۋرالى جازدى. اگەنتتىك ولاردىڭ بايانداماسىن جاريالاپ، فوتو-ۆيدەوماتەريالدار ۇسىندى.

«قازاقستان مەن ازەربايجان - ەكى باۋىرلاس مەملەكەت. سوڭعى ۋاقىتتا ءبىزدىڭ ءوزارا ساپارلارىمىزدىڭ سەرپىنى وتە ايقىن، بۇل ءبىزدىڭ قارىم-قاتىناسىمىزدىڭ جاڭا سەرپىن العانىن كورسەتەدى»، - دەپ كەلتىرەدى باسىلىم ازەربايجان پرەزيدەنتى يلحام اليەۆتىڭ ءسوزىن.

سونداي-اق، باسىلىم قازاقستان پرەزيدەنتى قاسىم-جومارت توقايەۆتىڭ جوعارى دەڭگەيدەگى ۇكىمەتارالىق كەڭەستىڭ وتىرىسىن تاريحي وقيعا دەپ باعالاعانىن حابارلادى.

«بۇل دا - تاريحي وقيعا. جاڭا عانا ءبىز ساۋدا-ەكونوميكالىق جانە ينۆەستيتسيالىق ىنتىماقتاستىعىمىزعا، حالىقارالىق ارەناداعى ءوزارا ءىس- قيمىلىمىزعا قاتىستى بارلىق ماسەلەلەردى جان-جاقتى تالقىلاپ، جالپى قورىتىندىعا كەلدىك. كەلەشەگىمىزدەن سەنىم بار، ەكى ەلدىڭ ۇكىمەتى قول قويىلعان قۇجاتتار مەن كەلىسىمدەردى جۇزەگە اسىرۋعا كىرىسەدى دەگەن ءۇمىت زور»، - دەدى قاسىم-جومارت توقايەۆ.

ەلىمىزگە تارتىلعان تىكەلەي شەتەلدىك ينۆەستيتسيا كولەمى تومەندەدى

ازەربايجاندىق تاعى ءبىر باسىلىم azernews ەكى تۇركىتىلدەس مەملەكەت - ازەربايجان مەن قازاقستان قارىم-قاتىناسىندا جاڭا تاراۋ اشىلىپ جاتقانىن حابارلادى.

«وسىلايشا، ەكى ەل دە كاپيتالى 300 ميلليون دوللار بولاتىن ينۆەستيتسيالىق قور قۇرۋدى جوسپارلاپ وتىر، ول وتە ماڭىزدى جوبالاردى قارجىلاندىرادى. سامۇرىق- قازىنا ۇلتتىق ءال- اۋقات قورىنىڭ ءتوراعاسى قوردىڭ ورتالىق ازيا ەلدەرى، بولگاريا، ۆەنگريا، رۋمىنيا جانە تۇركيا ەكونوميكاسىنداعى ءتۇرلى سالاداعى باسىم جوبالاردى دا قارجىلاندىرۋدى كوزدەيتىنىن اتاپ ءوتتى. ول قور قازاقستان مەن ازەربايجان اراسىنداعى ارىپتەستىكتى نىعايتا تۇسەتىنىن ايتتى»، - دەپ جازدى اگەنتتىك.

The Times of Central Asia: الماتىدا وتكەن ۆ5+1 فورۋمىن جوعارى دارەجەلى سپيكەرلەر اشتى

ال، حالىقارالىق The Times of Central Asia باسىلىمى الماتىدا وتكەن B5+1 فورۋمى تۋرالى جازدى. اگەنتتىكتىڭ حابارلاۋىنشا، اتالعان پلاتفورما، سونىڭ ىشىندە ورتالىق ازيانىڭ بەس رەسپۋبليكاسى مەن امەريكا قۇراما شتاتتارى بار ەلدەر توبى الماتىدا ءبىرىنشى B5+1 فورۋمىن اشۋ ارقىلى العا ماڭىزدى قادام جاسادى.

«ورتالىق ازيا ايماعىنداعى مەملەكەتتىك-جەكەمەنشىك ارىپتەستىكتى دامىتۋ ماقساتى بولىپ سانالاتىن حالىقارالىق جەكە كاسىپكەرلىك ورتالىعى (CIPE) B5+1 توبىن قالىپتاستىرۋدا ماڭىزدى ءرول اتقاردى. بۇل جاڭا بيزنەس-پلاتفورما حالىقارالىق جانە جەرگىلىكتى كومپانيالارعا جاھاندىق بيزنەس پەن ساۋدا مۇمكىندىكتەرىنەن پايدا تابۋعا كومەكتەسۋ، سونىمەن قاتار التى ەلدىڭ ۇكىمەتتەرىنە تىكەلەي شەتەلدىك ينۆەستيتسيالاردى كوبىرەك تارتۋعا كومەكتەسۋ ءۇشىن جاسالعان»، - دەپ حابارلادى باسىلىم.

سونداي-اق، اگەنتتىك فورۋمنىڭ العاشقى كۇنى «ورتالىق ازياعا كوزقاراس» دەگەن تاقىرىپپەن وتكەنىن جازدى.

Daryo: قازاقستاننىڭ ۆەنچۋرلىق كاپيتال نارىعى 2023-جىلى 110 ميلليون دوللاردان اسادى

«RISE Research سەرىكتەستەرى EA Group جانە BGlobal Ventures, سونداي-اق CRunchbase جانە ۇكىمەتتىك ۇيىمدارمەن بىرلەسىپ جۇرگىزگەن كەشەندى زەرتتەۋدىڭ سوڭعى ناتيجەلەرى قازاقستانداعى جانە ورتالىق ازيا مەن كاۆكاز ايماعىنداعى ۆەنچۋرلىق كاپيتالدىڭ وركەندەپ جاتقانىن كورسەتتى»، - دەپ حابارلادى Daryo اگەنتتىگى.

«زەرتتەۋلەرگە سۇيەنسەك، سوڭعى بەس جىلدا ۆەنچۋرلىق كاپيتالدى قارجىلاندىرۋ كولەمى بەس ەسەدەن استام وسكەن قازاقستانداعى ۆەنچۋرلىق كاپيتال نارىعى ايتارلىقتاي ۇلعايدى. 2023-جىلى ايماقتاعى ۆەنچۋرلىق مامىلەلەردىڭ جالپى كولەمى 110 ميلليون دوللاردان استى»، - دەپ جازدى وزبەكستاندىق باسىلىم.

Euronews.Travel: پالاۋ، ەت جانە كوشپەندىلەردىڭ جاڭا اسحاناسى: قازاقستان ورتالىق ازياداعى كەلەسى ءىرى گاسترونوميالىق باعىتقا اينالا ما؟

شەتەلدىك بۇقارالىق اقپارات قۇرالدارىنداعى ماتەريالداردىڭ توپتاماسىن Euronews.Travel ماتەريالىمەن اياقتايمىز. باسىلىم ەلىمىزدىڭ تۋريستىك الەۋەتىنە شولۋ جاساپ، ۇلتتىق تاعامدارىمىز تۋرالى باياندادى. سونداي-اق، «قازاقستاننىڭ گاسترونوميالىق ساحناسىنىڭ ورتالىعى - «نەو- كوشپەلى تاعامدارى» باستى نازاردا»، - دەپ حابارلادى.

«حالىقارالىق ساياحاتشىلار ءۇشىن از زەرتتەلگەن ورىن - قازاقستان شىتىرمان وقيعالى ساياحاتشىلارعا باي مادەنيەت، قار باسقان تاۋلار جانە تاڭعاجايىپ ساۋلەتتى ۇسىنادى. سولتۇستىگىندە رەسەيمەن، شىعىسىندا قىتايمەن، وڭتۇستىگىندە قىرعىزستانمەن شەكتەسەتىن ونىڭ مادەني مۇراسى گەوگرافياسى سياقتى الۋان ءتۇرلى. كوشپەلىلەر ءداستۇرىنىڭ، يسلام مادەنيەتىنىڭ جانە كەڭەستىك ءداۋىر تاريحىنىڭ اسەرى ونىڭ بولمىسىن قالىپتاستىرۋعا كومەكتەستى»، - دەپ جازدى اگەنتتىك.

باسىلىمنىڭ ءتىلشىسى، نەگىزىنەن قاتال اۋا رايىنا بەيىمدەلگەن تايپالار تۇتىناتىن ءداستۇرلى، كوشپەلى تاعامدار ەكەنىن اتاپ وتەدى.

«بۇل اس بۇرىننان ەت، قامىر جانە پياز سياقتى نەگىزگى تاعامداردان تۇراتىن، ءبىراق قازىر قازاقتىڭ ءتۇپنۇسقا ەلەمەنتتەرىن ساقتاي وتىرىپ، باياۋ دامىپ، جاڭارىپ جاتىر»، - دەيدى Euronews.Travel.

اۆتور راحيلا تلەۋوۆا