الەمدەگى ەڭ ۇزىن جانە ەڭ قىسقا ادام كەزدەستى
استانا. KAZINFORM - الەمدەگى ەڭ ۇزىن ەر ادام مەن ەڭ قىسقا ايەل كەشە ا ق ش- تىڭ كاليفورنيا شتاتىندا كەزدەستى. ولاردىڭ بويىنداعى ايىرماشىلىق 183 س م- دەن دە ارتىق. بۇل تۋرالى Dailymail.co.uk سايتى حابارلادى.
41 جاستاعى سۋلتان كوسەن تۇركيادا دۇنيەگە كەلگەن. كوسەننىڭ ۇزىندىعى مەديتسينادا گيپوفيز گيگانتيزمى دەپ اتالاتىن پروتسەستىڭ دامۋىنا سەبەپ بولعان ىسىككە بايلانىستى.
ال ءۇندىستاننان كەلگەن 30 جاستاعى يوتي امگەنىڭ بويى ورتاشا 2 جاستاعى بالادان ءسال قىسقا. وعان حوندروديستروفيا دياگنوزى قويىلعان. ەكەۋى دە ەرەكشە قىرلارىمەن 2011 -جىلى گيننەستىڭ رەكوردتار كىتابىنا ەندى.
رەكوردسمەندەر ا ق ش- تا وزدەرىنىڭ بويلارىنداعى ايىرماشىلىقتى بىرنەشە فوتوسۋرەتتەرمەن كورسەتكەن جانە ولار قوعامدا ۇلكەن قىزىعۋشىلىق تۋدىرعان. الايدا بۇل ەرەكشە جانداردىڭ ءبىرىنشى كەزدەسۋى ەمەس. ولار العاش رەت 2018 -جىلى مىسىردىڭ مادەنيەت جانە تۋريزم مينيسترلىگىنىڭ شاقىرۋىمەن ءتۇرلى تاريحي ورىنداردى ارالاۋ كەزىندە كەزدەسكەن.
ارادا بەس جىل وتكەن سوڭ ەكەۋى تاعى دا كەزدەستى. ولاردىڭ تاڭعاجايىپ سۋرەتتەرى تاريحتا قالدى.
