الەمدەگى ەڭ قىمبات مەتال - وسمي قازاقستاندا عانا وندىرىلەدى، ءبىراق ول جايلى بۇكىل مالىمەت قۇپيا

الەمدەگى ەڭ قىمبات مەتال سانالاتىن وسمي-187 يزوتوپى تەك قانا قازاقستاندا وندىرىلەدى. ءبىراق، ونىڭ وندىرىسىنە قاتىستى مالىمەتتەر - مەملەكەتتىك قۇپيا، دەپ حابارلايدى Kazinform.

ونەركاسىپ جانە قۇرىلىس مينيسترلىگىنە تاۋەلسىزدىك جىلدارى ىشىندە وسميدىڭ قانشا كولەمى وندىرىلگەنىن، ەكسپورتقا قانداي باعامەن جانە قاي ەلدەرگە شىعارىلاتىنىن سۇراپ، ساۋال جولداعان ەدىك.

«قازاقستاننىڭ 1999-جىلعى 15- ناۋرىزداعى  349-I№ مەملەكەتتىك قۇپيالار تۋرالى زاڭىنىڭ 12-بابى 10- تارماعىنا سايكەس مەتاللۋرگيا ونەركاسىبىنىڭ سيرەك كەزدەسەتىن مەتالداردى نەمەسە ستراتەگيالىق ماڭىزى بار باسقا دا ماتەريالداردى، ونىڭ ىشىندە وسمي ءوندىرۋ تۋرالى مالىمەتتەر مەملەكەتتىك قۇپياعا جاتقىزىلادى»، - دەپ جاۋاپ بەردى ۆەدومستۆودان.

وسمي تابيعاتتا 7 يزوتوپ تۇرىندە كەزدەسەدى.

وسى 7 يزوتوپتىڭ ىشىندە وسمي-187 تەك ەلىمىزدە عانا وندىرىلەدى.

ءوسميدىڭ 1 گرامى 10 مىڭ دوللاردان باستالىپ، 200 مىڭ دوللارعا دەيىن جەتەدى.

تابيعاتتا وسمي-187 دەن تىعىز زات جوق. بۇل ەلەمەنتتى 9 اي بويى وندىرەدى.

ونى ەرەكشە دالدىكتى قاجەت ەتەتىن ولشەۋىش جانە مەديتسينالىق اسپاپتاردى جاساۋعا قولدانادى.