الەمدەگى ەڭ قاۋىپسىز اۋە كومپانيالارىنىڭ ءتىزىمى جاريالاندى
اۋە كومپانيالارى مەن ولاردىڭ ونىمدەرىنىڭ قاۋىپسىزدىگىنە باعا بەرەتىن الەمدەگى جالعىز سايت - AirlineRatings.com ءوزى باقىلايتىن 385 اۋە كومپانيالارىنىڭ ىشىنەن 2024-جىلعى ەڭ قاۋىپسىز 25 اۋە جەلىسىنىڭ رەيتينگىن ۇسىندى.
Kazinform بۇل تۋرالى Airlineratings.com سايتىنا سىلتەمە جاساپ حابارلايدى.
ەڭ قاۋىپسىز 25 كومپانيا تىزىمىنە ەنگەندەر:
Air New Zealand ،Qantas ،Virgin Australia ،Etihad Airways ،Qatar Airways ،Emirates ،All Nippon Airways ،Finnair ،Cathay Pacific Airways ،Alaska Airlines ،SAS ،Korean Air ،Singapore Airlines, EVA Air British Airways ،Turkish Airlines ،TAP Air Portugal ،Lufthansa/Swiss Group ،KLM ،Japan Airlines Hawaiian Airlines ،American Airlines Air France ،Air Canada Group جانە United Airlines.
AirlineRatings.com باس رەداكتورى دجەففري توماستىڭ سوزىنشە، بۇل اۋە كومپانيالارى ۇشۋ قاۋىپسىزدىگى، سونداي-اق يننوۆاتسيا مەن جاڭا ۇشاقتاردى ىسكە قوسۋ جاعىنان تەڭدەسسىز سانالادى. توماستىڭ سوزىنشە Air New Zealand پەن Qantas اراسىنداعى كۇرەس شيەلەنىسكە تولى بولدى - ەكەۋىنىڭ ۇپاي ايىرماشىلىعى بار بولعانى 1,50 بال ەدى. Qantas كومپانيا اۋە ايلاعىنىڭ جاسىنا بايلانىستى كوشباسشىلىققا يە بولا الماي قالدى.
دەگەنمەن، Qantas ۇشاقتار پاركىن ءوز تاريحىنداعى ەڭ اۋقىمدى جاڭارتۋعا كىرىسىپ، A220 ،A320 ،A321 ،A350 جانە 787 ۇشاعىنا تاپسىرىس بەردى. ولار الداعى ءۇش جىل ىشىندە كومپانياعا جەتكىزىلەدى.
توماستىڭ سوزىنشە، اۋە جەلىلەرىنىڭ قاۋىپسىزدىگى رەيتينگىن جاساعاندا رەداكتورلار كەيىنگى بەس جىلداعى اۋە اپاتتارىن، ەكى جىل ىشىندەگى كەلەڭسىز وقيعالاردى، اۆياتسيا سالاسىنداعى جەتەكشى ورگاندار مەن الدىڭعى قاتارلى قاۋىمداستىقتاردىڭ تەكسەرىسىن، مەملەكەتتىك تەكسەرىس، فلوتتىڭ جاسى مەن جازعى قۇرام دايىندىعىن تالدايدى.
كەلەڭسىز جاعدايلارعا كەلەر بولساق، ول مۇنداي وقيعالار كۇن سايىن بارلىق اۋە كومپانياسىندا بولاتىنىن اتاپ ءوتتى جانە ونىڭ كوبى اۋە كومپانياسىنىڭ ەكسپلۋاتاتسيالىق ماسەلەسىنە ەمەس، ۇشاق پەن قوزعالتقىشتاردىڭ وندىرىسىنە بايلانىستى.
«ءبىزدىڭ 2024-جىلعى ەڭ قاۋىپسىز 25 اۋە كومپانيامىز ۇنەمى قاۋىپسىزدىك جاعىنان يننوۆاتسيا اۆانگاردىندا، تەحنولوگيالىق تۇرعىدا جەتىلدىرۋ مەن Airbus A350, Boeing 787 جانە 777-9 سىندى جەتىلدىرىلگەن ۇشاقتاردى ىسكە قوسۋ بويىنشا الدا جۇرەدى»، - دەپ ءمالىم ەتتى توماس.
AirlineRatings 2013 -جىلعى ماۋسىمدا ىسكە قوسىلدى جانە ءوزىنىڭ ەرەكشە جەتى جۇلدىزدى رەيتينگ جۇيەسىن پايدالانا وتىرىپ 385 اۋە كومپانياسىنىڭ قاۋىپسىزدىگىنە، بورتتاعى ونىمدەرگە، ال پاندەميا كەزىندە COVID-19 تالاپتارىنا سايكەستىگىنە باعا بەردى. رەيتينگتى 195 ەلدىڭ ميلليونداعان جولاۋشىسى پايدالانىپ ۇلگەردى. ول - اۋە كومپانياسى ونىمدەرىنىڭ قاۋىپسىزدىك جانە رەيتينگ ستاندارتىنا اينالدى.
