الەمدەگى ەڭ ۇلكەن وتباسىلىق سەرۋەن قاي ەلدە وتەتىنىن بىلەسىز بە - شەتەلدەگى قازاق باسپا ءسوزى
استانا. قازاقپارات - Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
وزبەكستان مەن قازاقستان ىنتىماقتاستىعى نىعايىپ كەلەدى - ءو ز ا
قازاقستانعا ساپارى اياسىندا وزبەكستاننىڭ سيفرلىق تەحنولوگيالار مينيسترلىگى مەن IT Park Uzbekistan دەلەگاتسياسى «BILLZ» كومپانياسىنىڭ وكىلدەرىمەن كەزدەستى. «Smart Point Almaty» يننوۆاتسيالىق ورتالىعىندا وتكەن بۇل كەزدەسۋدە كومپانيانىڭ وڭىردەگى قىزمەتى مەن الداعى جوسپارلارى تالقىلاندى، دەپ حابارلايدى «ءو ز ا» اقپارات اگەنتتىگى.
حابارلامادا ايتىلۋىنشا، «BILLZ» - بولشەك ساۋدا جانە بيزنەستى باسقارۋعا ارنالعان سيفرلىق پلاتفورمالار ۇسىناتىن كومپانيا. وزبەكستاندا نەگىزى قالانعان بۇل كومپانيا بۇگىندە قازاقستان نارىعىندا دا تابىستى جۇمىس ىستەپ جاتىر.
كومپانيا بولشەك ساۋدا كاسىپورىندارىنا ساتۋ ۇدەرىستەرىن اۆتوماتتاندىرۋعا، تۇتىنۋشىلارمەن جۇمىستى جاقسارتۋعا جانە بيزنەس تيىمدىلىگىن ارتتىرۋعا كومەكتەسەتىن زاماناۋي شەشىمدەردى ۇسىنادى.
كەزدەسۋدە «BILLZ» كومپانياسىنىڭ قازاقستانداعى جەتىستىكتەرى، كليەنتتىك بازاسىنىڭ كەڭەيۋى، سەرىكتەستىك جوبالارى جانە حالىقارالىق نارىققا شىعۋ ستراتەگياسى جايلى پىكىر الماسىلعان.
وزبەكستان مەن قازاقستان مۇناي- گاز سالاسىندا سەرىكتەستىكتى كۇشەيتەدى
سونداي- اق وسى اپتادا «و ز ا» - دا «وزبەكستان مەن قازاقستان مۇناي- گاز سالاسىندا سەرىكتەستىكتى كۇشەيتەدى» دەگەن تاقىرىپتاعى اقپارات جاريالاندى.
وزبەكستاندىق ب ا ق- تىڭ دەرەگىنشە، الماتىدا وتكەن رەسمي شارادا وزبەكستاننىڭ «ۋزبەكنەفتگاز» ا ق مەن قازاقستاننىڭ «قازمۇنايگاز» ۇلتتىق كومپانياسى مۇناي-گاز سالاسىنداعى ارىپتەستىكتى تەرەڭدەتۋگە باعىتتالعان ماڭىزدى كەلىسىمگە قول قويعان.
بۇل قۇجات ەكى ەلدىڭ ەنەرگەتيكا سالاسىنداعى بايلانىسىن جاڭا دەڭگەيگە كوتەرىپ، ۇزاق مەرزىمدى ستراتەگيالىق سەرىكتەستىكتى نىعايتۋدى كوزدەيدى. كەلىسىم اياسىندا ەكى ەل ساراپشىلارى ءوزارا تاجىريبە الماسىپ، جاڭا جوبالاردى بىرلەسىپ جۇزەگە اسىرۋ ءۇشىن تۇراقتى ديالوگ ورناتادى.
سونىمەن قاتار، جوبالاردىڭ گەوگرافياسىن كەڭەيتۋ، تابيعي رەسۋرستاردى ءتيىمدى پايدالانۋ، وندىرىستىك جانە كولىكتىك ينفراقۇرىلىمداردى وڭتايلاندىرۋ مۇمكىندىكتەرى قاراستىرىلعان.
قىتاي- قازاقستان حالىقارالىق اۆتوموبيل تاسىمالدارى تۋرالى كەلىسىم رەسمي تۇردە كۇشىنە ەندى - «حالىق گازەتى»
«قىتاي حالىق رەسپۋبليكاسىنىڭ ۇكىمەتى مەن قازاقستان رەسپۋبليكاسىنىڭ ۇكىمەتى اراسىنداعى حالىقارالىق اۆتوموبيل تاسىمالدارى تۋرالى كەلىسىم» وسى جىلدىڭ 10-ناۋرىزىندا رەسمي تۇردە كۇشىنە ەندى.
بۇل تۋرالى قىتايدىڭ «حالىق گازەتى» باسىلىمى حابارلادى.
قىتايلىق ب ا ق- تىڭ مالىمەتىنشە، سونىمەن بىرگە 1992 -جىلى 26 -قىركۇيەكتە قول قويىلعان «قىتاي حالىق رەسپۋبليكاسىنىڭ ۇكىمەتى مەن قازاقستان رەسپۋبليكاسىنىڭ ۇكىمەتى اراسىنداعى اۆتوموبيل كولىگى تۋرالى كەلىسىمنىڭ» مەرزىمى اياقتالعان.
«جاڭا كەلىسىم اۆتوموبيل كولىگى سالاسىنداعى ەكىجاقتى حالىقارالىق ىنتىماقتاستىق اياسىن جاھاندىق تاسىمالداۋ، ترانزيتتىك تاسىمالداۋ جانە ءۇشىنشى ەلدەرگە تاسىمالداۋ سالالارىن كەڭەيتەدى. سونىمەن قاتار، كولىك قۇرالدارى مەن كوپشىلىكتىڭ كىرىپ- شىعۋىن باسقارۋ، قۇجاتتاردى ءوزارا تانۋ، سالىقتان بوساتۋ، ۆيزالىق رەجيم مەن كەدەندىك راسىمدەۋدى جەڭىلدەتۋ جانە اقپارات الماسۋ بويىنشا سالالىق جانە ينستيتۋتسيونالدىق شارالار قابىلداندى. بۇل قىتاي- قازاقستان حالىقارالىق اۆتوموبيل كولىگى جۇيەسىن ودان ءارى ىلگەرىلەتۋگە وڭتايلى جاعداي تۋدىرادى» ، دەپ جازادى «حالىق گازەتى».
ش ى ۇ- نىڭ حاتشىلىعى بەيجىڭدە حالىقارالىق ناۋرىز مەرەكەسىن وتكىزدى
سونىمەن قاتار وسى اپتادا «حالىق گازەتى» باسىلىمىندا «ش ى ۇ- نىڭ حاتشىلىعى بەيجىڭدە حالىقارالىق ناۋرىز مەرەكەسىن وتكىزدى» دەگەن اقپارات جارىق كوردى.
شاڭحاي ىنتىماقتاستىق ۇيىمىنىڭ حاتشىلىعى بەيجىڭدە حالىقارالىق ناۋرىز مەرەكەسىن وتكىزگەن.
اتالعان اقپاراتتىڭ باسىندا «شانحاي ىنتىماقتاستىق ۇيىمىنىڭ باس حاتشىسى نۇرلان ەرمەكبايەۆ» دەپ جازىلعان باس حاتشى سۋرەتى بەرىلگەن.
كەلتىرگەن دەرەكتەرگە سۇيەنسەك، 1-ءساۋىر كۇنى شانحاي ىنتىماقتاستىق ۇيىمىنىڭ حاتشىلىعى بەيجىڭدە حالىقارالىق ناۋرىز مەرەكەسىن وتكىزدى. ءىس- شاراعا ش ى ۇ- عا مۇشە مەملەكەتتەردىڭ وكىلدەرى، ديپلوماتيالىق كورپۋس مۇشەلەرى، مادەنيەت قايراتكەرلەرى سياقتى 200 دەن استام ادام جينالىپ، بۇل تىرشىلك پەن بىرلىكتى بەينەلەتىن مەيرامدى بىرگە تويلاعان.
الەمدەگى ەڭ ۇلكەن وتباسىلىق سەرۋەن يراندا وتەدى - ParsToday
ParsToday اقپارات اگەنتتىگىنىڭ حابارلاۋىنشا، سارسەنبى (2 -ءساۋىر) ، يراننىڭ رەسمي كۇنتىزبەسى بويىنشا فارۆاردين ايىنىڭ 13- كۇنى تابيعات كۇنى دەپ اتالدى ەكەن.
يراندىق ب ا ق- تىڭ دەرەگىنشە، يراننىڭ كۇنتىزبەسى بويىنشا جاڭا جىلدىڭ ون ءۇشىنشى كۇنى يراندىقتار يگى ءداستۇر بويىنشا تابيعات اياسىنا شىعىپ، تابيعي سىيلىقتاردان ءلاززات الىپ، وتباسىمەن جانە جاقىندارىمەن قۋانىشتى دا ەستە قالارلىق كۇندى وتكىزەدى.
ParsToday اگەنتتىگىنىڭ حابارلاۋىنشا، جىل سايىن فارۆاردين ايىنىڭ 13- ناۋرىز مەرەكەسىنىڭ سوڭعى كۇنى بولىپ تابىلادى، ول «سيزدا بەدار» دەپ اتالادى. ەجەلگى يراندىقتار جىل ون ەكى ايىن ەسكە الاتىن ون ەكى كۇندىك مەرەكە مەن قۋانىشتان كەيىن ناۋرىزدىڭ 13- كۇنى مەرەكەنىڭ سوڭعى كۇنىن تابيعات اياسىندا، جاسىل جەلەكتەردىڭ، وسىمدىكتەردىڭ، بۇلاقتار مەن بۇلاقتاردىڭ اعىپ جاتقان سۋلارىنىڭ جانىندا وتكىزۋ ءۇشىن تابيعات اياسىنا باراتىن.
«يران حالقى ەجەلدەن تابيعاتتى قۇرمەتتەپ، ونى ساقتاپ، تازارتۋعا كۇش سالعان. ناۋرىزدىڭ ون ءۇشىنشى كۇنىندەگى يراندىق شەرۋ الەمدەگى ەڭ ۇلكەن پيكنيك بولىپ تابىلادى جانە بۇل كۇنى ەرەكشە مەرەكەلەر مەن راسىمدەردى وتكىزۋدىڭ ەجەلگى جانە تاريحي تامىرى بار» ، دەپ جازادى يراندىق ب ا ق.
وقۋشىلار ساباق ارالىعىندا بۇركىت ءبيىن بيلەدى - Harajorga
قاشقارلىق وقۋشىلار ساباق ارالىق گيمناستيكاسىنا ارنالعان ماتەريالدىق ەمەس مادەني مۇرا بۇركىت ءبيىن بيلەدى، دەپ حابارلايدى قىتايلىق Harajorga الەۋمەتتىك جەلىسى.
جاقىندا، قاشقار ايماعى كونەشار اۋدانى شىنجىن- تاشقورعان ورتا مەكتەبىنىڭ ساباق ارالىعىنداعى 15 مينۋت دەمالىس ۋاقىتى الەۋمەتتىك جەلى قولدانۋشىلارىن قىزىقتىردى. اتاپ ايتقاندا، كوپتەگەن وقۋشى مەكتەپ كيىمىن كيىپ، گيمناستيكا الاڭىندا ماتەريالدىق ەمەس مادەني مۇرا سانالاتىن بۇركىت ءبيىن بيلەپ، قىران قۇستاي قۇلاشتارىن ەركىن اشىپ بيگە باستى. بيىكتەن تۇسىرىلگەن كورىنىس تارتىمدى ءارى رەتتى بولىپ، جەلى قولدانۋشىلارىنىڭ ەرەكشە ىقىلاسىنا بولەنىپ، جىلى پىكىرلەرىن قالدىرعان.
«وتە تاماشا ەكەن!» ، «بەيزاتتىق(ماتەريالدىق ەمەس) مادەني مۇرا مەكتەپكە كىرسە مادەنيەتكە مۇراگەرلىك ەتۋمەن بىرگە دەنساۋلىققا پايدالى» دەپ جازعان جەلى قولدانۋشىلارى.
قىتايلىق ب ا ق- تىڭ دەرەگىنشە، بۇركىت ءبيى - تاجىك ۇلتىنىڭ حالىقتىق ءداستۇرلى ءبيى. بۇل بي قاراپايىم دا تارتىمدى، ويناقى كەلەدى. 2006 -جىلى تاجىك ۇلتىنىڭ بۇركىت ءبيى 1-توپتاعى مەملەكەت دارەجەلى ماتەريالدىق ەمەس مادەني مۇرالاردىڭ ۋاكىلدىك تۋىندىلارىنىڭ تىزىمىنە ەنگەن.
قىتاي دۇنيە ءجۇزى بويىنشا اي توپىراعىنان كەرپىش قۇيۋ تۇڭعىش ماشيناسىن تاپقىرلادى - CNR
- ەلىمىز دۇنيە ءجۇزى بويىنشا اي توپىراعىنان كەرپىش قۇيۋ تۇڭعىش ماشيناسىن تاپقىرلادى، دەپ حابارلايدى قىتايدىڭ «ورتالىق حالىق راديوسى» .
اتالعان اقپارات كوزىنىڭ كەلتىرگەن دەرەكتەرىنە سۇيەنسەك، قىتاي ەلى دۇنيەجۇزى بويىنشا اي توپىراعىنان كەرپىش قۇياتىن تۇڭعىش ماشينانى زەرتتەپ- جاساپ، ايدىڭ بەتىنەن ماتەريال الىپ، ۇقساماعان ولشەمدەگى ۇلكەندى- كىشىلى اي توپىراعى كەرپىشىن قۇيادى. بۇل اي شارى بازاسى قۇرىلىسىنا ماڭىزدى نەگىز قالايدى.
بەيسەن سۇلتان
