الەمدەگى ەڭ ۇلكەن ايسبەرگ جويىلىپ كەتۋى مۇمكىن
الەمدەگى ەڭ ۇلكەن اۋماق - 4,2 مىڭ شارشى مەتردى الىپ جاتقان А23а ايسبەرگى ورنىنان قوزعالىپ، وڭتۇستىك مۇحيتقا جىلجىپ بارادى.
وسىعان بايلانىستى الداعى ايلاردا الىپ ايسبەرگتىڭ كولەمى ازايىپ، جويىلىپ كەتۋ قاۋپى جونىندە ايتىلا باستادى، دەپ حابارلايدى Kazinform ت ا س س-قا سىلتەمە جاساپ.
اركتيكا جانە انتاركتيكا عىلىمي- زەرتتەۋ ينستيتۋتىنىڭ (ا ا ع ز ي) باسپا ءسوز قىزمەتىنىڭ مالىمەتىنشە، مۇز جانە گيدرومەتەورولوگيالىق اقپارات ورتالىعىنىڭ (م گ م ا و) ماماندارى ايسبەرگتىڭ الداعى ايدا سكوش تەڭىزىنە ەنەتىنىنە بولجام جاساپ وتىر. سول كەزدە ايسبەرگ جويىلىپ كەتۋى مۇمكىن.
1986-جىلدىڭ قىركۇيەگىندە فيلحنەر مۇزدىعىنان ۇلكەن مۇز ماسسيۆى بولىنگەن. سول ورىندا ءۇش الىپ ايسبەرگ پايدا بولعان. مۇزدىقتىڭ بىرىندە «درۋجنايا-1» ماۋسىمدىق بازاسى ورنالاسقان. قايراڭنان بولىنگەننەن كەيىن ايسبەرگ انتاركتيكالىق ۋەددەلل تەڭىزىنىڭ وڭتۇستىگىندەگى قۇرلىققا تەز جەتىپ، مۇزدى ارالعا اينالعان. ال، 2023 -جىلدىڭ جازىندا ايسبەرگ سۋ اعىندارىنىڭ اسەرىنەن العاش رەت ورنىنان قوزعالدى.
انتاركتيكانىڭ قىسقى كەزەڭىندە ايسبەرگ انتاركتيكا تۇبەگىنىڭ جاعاسىمەن قوزعالعان. مۇزدىقتىڭ جەرگىلىكتى اينالىمىنىڭ قاشىقتىعى 1118 تەڭىز ميلگە (2070 شاقىرىم) جەتكەن. بۇل سانكت- پەتەربۋرگتەن كراسنودارعا دەيىنگى ارالىقتىتاعى قاشىقتىققا سايكەس كەلەدى. درەيف كەزىندە ايسبەرگ الاڭىندا ايتارلىقتاي شىعىن بولماعان.
«A23a ايسبەرگىن برانسفيلد بۇعازىنان شىعىسقا قاراي اعىپ جاتقان مۇحيت اعىنى شايىپ، ودان ءارى وڭتۇستىك وركنەي جاعالاۋىمەن سكوش تەڭىزىنە اپارادى دەپ كۇتىلىپ وتىر. ودان ءارى انتاركتيكالىق سيركۋمپوليارلىق اعىنداعى جەلدىڭ، تولقىن مەن جىلى مۇحيت سۋىنىڭ اسەرىنەن «ءومىر» ءسۇرۋىن تەز توقتاتادى. الايدا، А23а ايسبەرگىنىڭ ۋەددەلل سيكلىنىڭ جۇيەسىندە قالۋى مۇمكىن ەكەنىن ءالى دە جوققا شىعارۋعا بولمايدى. بۇل جاعدايدا مۇزدىقتىڭ «ءومىرى» تاعى بىرنەشە جىلعا سوزىلادى»، - دەپ ناقتىلادى اركتيكا جانە انتاركتيكا عىلىمي- زەرتتەۋ ينستيتۋتىنىڭ (ا ا ع ز ي) باسپا ءسوز قىزمەتى.
اركتيكا جانە انتاركتيكا عىلىمي- زەرتتەۋ ينستيتۋتى - جەردىڭ پوليارلىق ايماقتارىن زەرتتەيتىن جەتەكشى الەمدىك عىلىمي ورتالىق. ينستيتۋتتىڭ عىلىمي بولىمشەلەرى كليماتتى، اتموسفەراداعى، تاياۋ عارىشتاعى، تەڭىز ورتاسى مەن مۇز قاباتىنداعى پروتسەستەردى ىرگەلى جانە قولدانبالى زەرتتەۋلەرمەن اينالىسادى.
