الەمدەگى ەڭ جىلدام مارافونشى كولىك اپاتىنان قازا بولدى

Марафон
Фото: Global Look Press

  استانا. KAZINFORM - ەرلەر اراسىندا مارافون جۇگىرۋدەن رەكورد ورناتقان 24 جاستاعى كەلۆين كيپتۋم تۋعان جەرىندە كولىك اپاتىنان قازا تاپتى، دەپ حابارلايدى BBC.

ول ءوزىنىڭ جاتتىقتىرۋشىسى، رۋانديالىق جەرۆەز حاكيزيمانامەن بىرگە جەكسەنبى كۇنى كەنيا باتىسىنداعى جولدا كەلە جاتىپ قازا بولدى.

كيپتۋم 2023 -جىلى وتانداسى، الەمدەگى ۇلى مارافونشىلاردىڭ ءبىرى ەليۋد كيپچوگەنىڭ قارسىلاسى بولدى. ال بىلتىر قازاندا چيكاگودا كيپچوگە جەتىستىگىن جاڭارتىپ، 42 شاقىرىم قاشىقتىقتى ەكى ساعات، 35 سەكۋندتا وتكەردى.

ەكى سپورتشى بيىلعى جىلدىڭ سوڭىندا پاريجدەگى وليمپيادا ويىندارىندا كەنيانىڭ مارافون بويىنشا قۇراما كومانداسىنىڭ الدىن الا تىزىمىنە ەنگىزىلگەن.

كەنيا وپپوزيتسياسىنىڭ كوشباسشىسى ءارى بۇرىنعى پرەمەر- مينيستر رايلا ودينگانىڭ مالىمدەۋىنشە، ەل «ناعىز قاھارمانىنان» ايىرىلىپ، «اتاقتى تۇلعا.. .جانە كەنيالىق جەڭىل اتلەتيكا يكوناسىنىڭ قازاسىنا بايلانىستى» قايعىرىپ وتىر.

دۇنيەجۇزىلىك جەڭىل اتلەتيكا قاۋىمداستىعىنىڭ پرەزيدەنتى سەباستيان كوۋدىڭ ايتۋىنشا، كيپتۋم «ادام سەنگىسىز مۇرا قالدىرعان ناعىز تۇلعا» بولدى.

AFP اگەنتتىگىنىڭ كەنيا پوليتسياسىنا سىلتەمە جاساپ حابارلاۋىنشا، اپات جەكسەنبى كۇنى جەرگىلىكتى ۋاقىتپەن ساعات 23:00 شاماسىندا بولدى.

اقپاراتقا سايكەس، اپات ورىن العاندا كولىكتى كيپتۋم جۇرگىزىپ كەلە جاتتى.

سوڭعى جاڭالىقتار