الەمدەگى ەڭ باقىتتى قالا بەلگىلى بولدى

استانا. KAZINFORM - لوندون ءومىر ساپاسى ينستيتۋتىنىڭ جاڭا رەيتينگى بويىنشا دانيانىڭ استاناسى كوپەنگاگەن الەمدەگى ەڭ باقىتتى قالا دەپ تانىلدى.

ازەرتادج شەتەلدىك ب ا ق-قا سىلتەمە جاساپ حابارلاعانداي، ۇزدىك بەستىكتە سيۋريح (شۆەيتساريا)، سينگاپۋر، ورحۋس (دانيا) جانە انتۆەرپەن (بەلگيا) بار.

ساراپشىلار قالالاردى التى نەگىزگى كريتەري بويىنشا باعالاعان:

جالپى ءال-اۋقات (ءبىلىم بەرۋ، مەملەكەتتىك قولداۋ، تۇرعىن ۇيمەن قامتاماسىز ەتۋ)؛

باسقارۋ (ازاماتتاردىڭ قاتىسۋى، اشىق دەرەكتەرگە قولجەتىمدىلىك، ەلەكتروندى قىزمەتتەر)؛

ەكولوگيا (جاسىل ايماقتار، اۋانىڭ ساپاسى، قالدىقتاردى وڭدەۋ دەڭگەيى)؛

ەكونوميكا (ءج ءى ءو، جۇمىسسىزدىق دەڭگەيى)؛

دەنساۋلىق (مەديتسينالىق قىزمەتتەر، پسيحيكالىق دەنساۋلىق، جۇمىس پەن جەكە ءومىر اراسىنداعى تەڭگەرىم)؛

كولىك جۇيەسى (تاسىمال ساپاسى، باعاسى، جول-كولىك وقيعالارىنىڭ سانى).

ءار قالا وسى كريتەريلەر بويىنشا باعالانىپ، ۇپاي جيناعان. جينالعان ۇپايلار بويىنشا قالالار ءۇش ساناتقا ءبولىندى:

Golden Happiest, ،Silver جانە Bronze. جالپى رەيتينگكە 200 قالا ەنگەن.