الەمدە وتە سيرەك كەزدەسەتىن قانداي باعالى مەتالدار ەلىمىزدە وندىرىلەدى

ەلىمىزدە وندىرىلەتىن تيتاندى «Boeing» ،«Airbus» ،«Nippon Steel» ،«SNECMA» ،«General Electric» كومپانيالارى قولدانادى.

بۇل تۋرالى ونەركاسىپ جانە قۇرىلىس مينيسترلىگىنەن ءمالىم ەتتى، دەپ حابارلايدى Kazinform.

«بۇگىنگى تاڭدا قازاقستاندا سيرەك مەتالدار «ءۇلبى مەتاللۋرگيا زاۋىتى» ا ق (بەريللي، تانتال، نيوبي)، «وسكەمەن تيتان-ماگنيي كومبيناتى» ا ق (تيتان)، «جەزقازعان سيرەكمەت» ر م ك- ىندە (امموني پەررەناتى)، سونىمەن قاتار نەگىزگى مەتالداردىڭ ءىرى وندىرىستەرى نەگىزىندە ىلەسپە ءونىم رەتىندە «كازتسينك» ج ش س (سەلەن، ۆيسمۋت)، «قازاقمىس سمەلتينگ» ج ش س (مىس تەللۋريدى)، «قازاقمىس پروگرەسس» ج ش س- ىندە (بايىتىلعان سەلەن) وندىرىلەدى. اتاپ ايتقاندا، «ءۇلبى مەتاللۋرگيا زاۋىتى» ا ق كۆازيمەملەكەتتىك «سامۇرىق-قازىنا» ءۇ ا ق» ا ق ەنشىلەس كومپانياسى جانە الەمدەگى تولىق تسيكلدى 3 بەريللي ءوندىرۋشى، 4 تانتال مەن نيوبي ءوندىرۋشى كاسىپورىنداردىڭ ءبىرى سانالادى. «وسكەمەن تيتان-ماگني كومبيناتى» ا ق تيتان گۋبكاسىن، قۇيمالار مەن سليابتاردى شىعارادى، تيتان قورىتپالارى مەن ۆانادي پەنتاوكسيدىن شىعارۋعا ارنالعان قۋاتى بار. تيتان ونىمدەرى شەتەلدىك تۇتىنۋشىلارعا («Boeing» ،«Airbus» ، «Nippon Steel» ،«SNECMA» ،«General Electric» جەتكىزىلەدى»، - دەلىنگەن مينيسترلىكتىڭ اگەنتتىك ساۋالىنا بەرگەن جاۋابىندا.

ۆەدومستۆونىڭ اتاپ وتۋىنشە، «جەزقازعان سيرەكمەت» ر م ك «قازاق مىس كورپوراتسياسى» ج ش س مىس بالقىتۋ زاۋىتىنىڭ قالدىقتارىنان 69,2 پايىز رەني بار امموني پەررەناتىن شىعارادى.

ول شەتەلدىك تۇتىنۋشىلارعا جونەلتىلەدى.

قازىرگى ۋاقىتتا كاسىپورىن رەنييدىڭ الەمدىك وندىرۋشىلەرىنىڭ وندىعىنا كىرەدى.

«قازمىرىش» ج ش س كومپانيانىڭ نەگىزگى ونىمدەرىنىڭ قاتارىنا جاتپايتىن ورەسكەل سەلەن مەن ۆيسمۋت وندىرەدى جانە ەكسپورتتايدى.

سەلەن مەن ۆيسمۋت قورعاسىن زاۋىتىندا قۇرامىندا قورعاسىن بار شيكىزاتتى وڭدەۋ ناتيجەسىندە الىنادى.

«قازاقمىس سمەلتينگ» ج ش س ەكسپورتقا بالقاش مىس بالقىتۋ زاۋىتىنىڭ شلامدارىنان تەللۋر وندىرەدى.

وسى كومپانيا بالقاش مىس بالقىتۋ زاۋىتىنىڭ باعالى مەتالدار ءوندىرىسىنىڭ ءۇيىندى قوجدارىنان ورەسكەل سەلەن شىعارۋ بويىنشا قازاقستاندىق يننوۆاتسيالىق تەحنولوگيانى ەنگىزدى.

«قازاقستان ءاليۋمينيى» ا ق گلينوزەم زاۋىتىنىڭ اليۋميني ەرىتىندىسىنەن گاللي الۋعا ارنالعان قۋاتى بار.

«گاللي - كومپانيانىڭ نەگىزگى ءونىمى ەمەس. گالليي شىعارۋ ۋچاسكەسى 2015-جىلى تومەن رەنتابەلدىلىككە بايلانىستى ساقتالدى. ءار سيرەك مەتال ءوندىرۋشى كاسىپورىن شيكىزات كوزدەرىمەن، تەحنولوگيالىق الۋ جولدارىمەن، قىزمەت باعىتتارىمەن ەرەكشەلەنەدى. سوندىقتان سالانى مونوپوليالاندىرۋ ماسەلەسىن قوزعاۋ ورىنسىز دەپ پايىمدايمىز»، - دەپ اتاپ وتەدى مينيسترلىكتەن.