الەمدە تابيعي اپات جيىلەۋى مۇمكىن

تابيعي اپات تۋرالى دروندار حابار بەرەدى اپات ايتىپ كەلمەيدى. دەگەنمەن ادام كەز كەلگەن توتەنشە جاعدايعا دايىن بولۋعا ءتيىس. بۇل رەتتە الدىمەن قاۋىپ تۋرالى ەل-جۇرتتى تەگىس قۇلاقتاندىرۋ ماڭىزدى.

 تاقاۋدا گۆاتەمالادا Dronebots جوباسى سىناقتان وتكىزىلدى. ناتيجە بار. ۇشقىشسىز ۇشاقتار قۇتقارۋشىلارعا اقپاراتتى %80 جىلدامدىقپەن جەتكىزۋگە قابىلەتتى. بۇل ءداستۇرلى جەلىلەر ىستەن شىققان جاعدايدا ومىرلىك ماڭىزدى قۇتقارۋ قۇرالى رەتىندە ارەكەت ەتەدى، دەيدى ماماندار. جالپى گۆاتەمالا تابيعي اپاتتاردان قاتتى زارداپ شەگىپ كەلە جاتقان ەلدىڭ ءبىرى. حالىقتىڭ 40 پايىزى قازىر اپات قاۋپى جوعارى ايماقتاردا تۇرىپ جاتىر. وندا ەلەكتر قۋاتى مەن ينتەرنەت بايلانىسى ءجيى ۇزىلەدى. سوندىقتان تۇرعىندار كوبىنە ماڭىزدى اقپاراتتاردان قاعىلىپ، ەۆاكۋاتسياعا الدىن الا دايىندالا المايدى.

دەن الۆارەس، Aerobots ينجەنەرى:

 - بۇل تەحنولوگيانىڭ ارتىقشىلىعى، ەڭ الدىمەن تۇرعىندارعا اپات بولعان جاعدايدا وزدەرىنە كومەكتەسۋگە مۇمكىندىك بەرەدى. ەۆاكۋاتسياعا الدىن-الا دايىندالىپ، ەڭ قاجەتتى جۇكتەرىن دايىنداۋعا ۋاقىتى بولادى. ويتكەنى كوبىنە اپات تۋرالى حابار دەر كەزىندە جەتپەگەندىكتەن، ادامدار نە ىستەرىن بىلمەي قالادى. سۋ تاسقىنى تۋرالى حابارلاۋ جۇيەسى ءار ەلدە اۋا-رايىن باقىلاۋ ءۇشىن ءارتۇرلى جۇيە قولدانىلادى. ولاردىڭ گەوگرافيالىق ورنالاسۋىنا بايلانىستى وزىندىك ەرەكشەلىكتەرى بار. سونىڭ ىشىندە ەڭ تانىمالى، ەۋرووداق ەلدەرىندە قولدانىلاتىن "كوپەرنيكۋس" باعدارلاماسى. بۇل بۇكىل ايماقتاعى وزەندەردىڭ تاسۋىن باقىلايتىن نەگىزگى جۇيەلەردىڭ ءبىرى. باعدارلاما الداعى 3-10 كۇنگە بولجام جاساي الادى.

سيتاتا: سۋ تاسقىنى، ءورت سياقتى تابيعات اپاتتارىن الدىن- الا بولجاۋ قيىن. ءبىراق ءبىز ونىڭ سەبەبى مەن وعان اسەر ەتۋشى فاكتوردى انىقتاي الامىز. اتموسفەرادا اۋا ىلعالدىلىعىنىڭ جوعارىلاۋىنا سەبەپ بولاتىن سۋ بۋى، تەمپەراتۋرا كوتەرىلگەن سايىن ارتا بەرەدى. بۇل جاۋىن- شاشىننىڭ كوپ تۇسۋىنە، تاسقىن قاۋپىنە اكەپ سوعادى. سوندىقتان كەز كەلگەن جاعدايعا دايىن بولۋ كەرەك. كارلو بۋونتەمپو، Copernicus باعدارلاماسىنىڭ ە و بويىنشا باسشىسى جاپونيا كوپەرنيكتى تەك ەۋروپا اۋماعىنداعى ەلدەر ەمەس، جاپونيا دا قولدانادى. كليماتتىق دەرەكتەر ايماقتاردى سۋ باسۋ قاۋپىنە بەيىمدەۋگە كومەكتەسەدى.

جاپونيا استاناسىنىڭ وزىندە ونداعان بوگەت پەن سۋ قويمالارى بار. قالادا جەر استى سۋىن جۇرگىزەتىن كانال دا بار. جەرگىلىكتى تۇرعىندار ءۇشىن ەلدە داۋىل تۋرالى ەسكەرتۋ جۇيەسى جۇمىس ىستەيدى. جالپى جاپونيا گەوگرافيالىق ورنالاسۋ ەرەكشەلىگىنە بايلانىستى عاسىرلار بويى سۋ تاسقىنىمەن كۇرەسىپ كەلەدى. الەمدە تابيعي اپات جيىلەۋى مۇمكىن كليماتتىڭ قۇبىلۋى سالدارىنان بىلتىر جارتى شار سۋ استىندا قالدى. وڭتۇستىك ازيادا بانگلادەش، فيليپپين، تايلاند، ەۋروپادا يتاليا، يسپانيا، وڭتۇستىك- شىعىس افريكا ايماقتارى تاسقىننان كوز اشقان جوق. سوراقىسى، بۇقارانى بىلتىر ابىگەرگە سالعان جاھاندىق جىلىنۋ بيىل دا جالعاسادى. كوپەرنيكۋس كليماتتىڭ وزگەرۋىن باقىلاۋ قىزمەتىنىڭ مالىمەتىنە سايكەس، بيىل دا بۇل ۇدەرىس ساقتالىپ، كليماتتىق وزگەرىستەن بولاتىن تابيعي اپاتتار تىركەلۋى مۇمكىن. ءبىراق عالىمدار ايتىپ كەلمەيتىن اپاتتىڭ ناقتى قاي اي، قاي مەرزىمدە بولاتىنىن بولجاۋ قيىن دەيدى. بيىل دا بۇل رەكورد جاڭارسا، دەمەك، تابيعات اپاتى جيىلەيدى. ويتكەنى جەر شارىنداعى جاھاندىق جىلۋ ءوز شەگىنەن اسىپ كەتتى. بۇل ورايدا ناسا زەرتتەۋشىلەرى، پارنيكتىك گازداردىڭ اسەرىنەن جەر جاھان ىسىماسا، تەمپەراتۋرا تومەندەمەيدى دەيدى.

https://24.kz