الەمدە 4,4 ميلليارد ادام تۇراقتى تۇردە سۋعا قول جەتكىزە المايدى
استانا. KAZINFORM - شۆەيتساريالىق زەرتتەۋشىلەر مەن ب ۇ ۇ، د د ۇ ساراپشىلارى ورتاشا تابىسى تومەن جانە ورتاشا سانالاتىن 136 ەلدىڭ 4,4 ميللياردتان استام تۇرعىنى ب ۇ ۇ- نىڭ جاھاندىق دەنساۋلىق ساقتاۋ ماقساتتارىندا كوزدەلگەندەي تازا، قاۋىپسىز سۋعا تۇراقتى تۇردە قول جەتكىزە المايدى دەگەن قورىتىندى جاساپ وتىر.
عالىمداردىڭ تۇجىرىمدارى Science عىلىمي جۋرنالىنداعى ماقالادا جاريالاندى. دەرەكتەر 2020-جىلعى بولجامنان ەكى ەسە كوپ ەكەنىن اتاپ وتكەن ءجون.
«تازا جانە قاۋىپسىز سۋعا قول جەتكىزۋ – ب ۇ ۇ تۇراقتى دامۋ ماقساتتارىنىڭ نەگىزگى باعىتى. ءبىزدىڭ ەسەپتەۋلەرىمىز كورسەتكەندەي، تابىسى تومەن جانە ورتاشا ەلدەردەگى ءاربىر ءۇشىنشى تۇرعىن تازا سۋعا تۇراقتى قول جەتكىزە الادى. پروبلەما سۋدىڭ قالدىق زاتتارمەن لاستانۋىنان تۋىنداپ وتىر»، - دەلىنگەن زەرتتەۋدە.
زەرتتەۋلەرگە سايكەس، وڭتۇستىك ازيا مەن ساحارانىڭ وڭتۇستىگىندەگى افريكا ەلدەرىندە حالىقتىڭ %75 دان استامى تازا سۋعا تۇراقتى قول جەتكىزە المايدى ەكەن. مۇندا سۋ تۇرمىستىق جانە ءۇي جانۋارلارى قالدىقتارىنان لاستاناتىن كورىنەدى.
ب ۇ ۇ- نىڭ تۇراقتى دامۋ ماقساتتارىن جۇزەگە اسىرۋ بارىسىندا اتالعان ەلدەردەگى كورسەتكىشتەر جاقسارىپ، ءارتۇرلى ىشەك ينفەكسيالارىمەن سىرقاتتاناتىنداردىڭ سانى ازايادى دەپ كۇتىلىپ وتىر.
