الماتىنىڭ سايران كولىنە اققۇتان مەن ۇيرەك مەكەندەي باستادى
الماتى. KAZINFORM - قازاقستاندىق فوتوگراف دميتري دوتسەنكو سايران كولىنە قونعان اققۇتان مەن جابايى ۇيرەكتەردىڭ سۋرەتتەرىن جاريالادى.
سايران كولى قالا تۇرعىندارىنىڭ سۇيىكتى ورنىنا اينالدى. الماتىلىقتار كولگە اققۇتان مەن ۇيرەكتەردى تاماشالاۋعا كەلەدى.
فوتوگراف دميتري دوتسەنكو بالىق تىستەپ تۇرعان اققۇتاندى سۋرەتكە ءتۇسىرىپ الدى.
«بۇل ءبىزدىڭ الاتاۋدىڭ ەندەميك بالىعى. سوندىقتان مەندە وتە قۇندى سۋرەت ءتۇسىردىم. ويلاپ قاراڭىزشى، 2024-جىلى ەكى ميلليون تۇرعىنى بار مەگاپوليستىڭ قاق ورتاسىندا ەندەميك ناعىز جابايى تابيعاتتى كورە الاسىز. بۇل عاجاپ نارسە، ونى قورعاۋ كەرەك»، - دەپ جازدى الماتىلىق فوتوگراف ءوزىنىڭ Instagram پاراقشاسىندا.
ەستەرىڭىزگە سالا كەتەيىك، 1971-جىلدان بەرى الماتىدا العاش رەت الماتى اكىمى ەربولات دوسايەۆتىڭ تاپسىرماسىمەن سايران كولى تازارتىلدى. كولدىڭ تۇبىنەن جانە جاعاسىنان 140 مىڭ تەكشە مەتردەن استام قوقىس پەن لاي شىعارىلدى.
ايتا كەتەيىك، بيىل الماتى اكىمدىگى اۋەجاي كولى مەن قاراسۋ كولىن تازارتۋدى جوسپارلاپ وتىر.
