الماتىنى قار باستى: ءبىر تۇندە 33 جول اپاتى بولدى
الماتىدا قولايسىز كۇن رايىنان ءبىر تۇندە 33 جول اپاتى بولدى. وسىعان بايلانىستى ءتارتىپ ساقشىلارى جۇرگىزۋشىلەر مەن جاياۋ جۇرگىنشىلەرگە ۇندەۋ جاسادى، دەپ حابارلايدى Kazinform.
«بۇل ۇندەۋ نەگىزىنەن كولىك باسقاراتىن قالا جۇرگىزۋشىلەرىنە ارنالعان. ءبىز ولاردى جول ەرەجەسىن قاتاڭ ساقتاۋعا، جۇرگىزۋشى مادەنيەتىن تانىتۋعا جانە مۇقيات بولۋعا شاقىرامىز»، - دەدى الماتى قالالىق پ د جەرگىلىكتى پوليتسيا قىزمەتى باسقارماسى باستىعىنىڭ ورىنباسارى سەرىك شۋمايەۆ.
قالالىق پوليتسيادان ءمالىم ەتكەندەي، 11-جەلتوقسان ساعات 20:00-دەن 12-جەلتوقسان تاڭعى ساعات 06:00 ارالىعىندا الماتى جولدارىندا 33 جول اپاتى تىركەلدى، تورتەۋىندە جاراقات العاندار بار.
«سونىمەن قاتار، اۋا رايىنىڭ ناشارلاۋىنا جانە قار جاۋۋىنا، اۋا تەمپەراتۋراسىنىڭ تومەندەۋىنە بايلانىستى جول قاۋىپسىزدىگىن قامتاماسىز ەتۋ ماقساتىندا جۇرگىزۋشىلەر مەن كولىك يەلەرىن كولىك دوڭگەلەكتەرىن قىسقىسىنا اۋىستىرۋدى شاقىرامىز»، - دەدى پوليتسيا وكىلى.
