الماتىلىقتارعا شۇعىل حابارلاما كەلدى
الماتى. KAZINFORM - الماتى تۇرعىندارى بۇگىن 11:00-دەن باستاپ وقۋ-جاتتىعۋ تۋرالى حابارلاما الىپ جاتىر. Android تەلەفوندارىندا ەسكەرتۋ قاتتى دىبىستىق سيگنالمەن جانە ەكراندا حابارلامامەن بىرگە كەلدى.
الماتى قالاسىنىڭ پوليتسياسى بۇل لاڭكەستىككە قارسى وقۋ-جاتتىعۋ وتكىزۋ تۋرالى حابارلاما ەكەنىن مالىمدەدى.
«ق ر تەرروريزمگە قارسى ورتالىعىنىڭ مۇرىندىق بولۋىمەن الماتى قالاسىنىڭ اۋماعىندا اعىمداعى جىلدىڭ 31-قازانىندا تەرروريزمگە قارسى وقۋ-جاتتىعۋلار جۇرگىزىلەدى. وقۋ-جاتتىعۋدىڭ ماقساتى - لاڭكەستىك سيپاتتاعى ءتۇرلى قاۋىپ-قاتەرلەرگە قارسى ارەكەت ەتۋ ءۇشىن قۇقىق قورعاۋ جانە ارنايى ورگانداردىڭ كۇشتەرى مەن قۇرالدارىنىڭ دايىندىعىن تەكسەرۋ. وقۋ- جاتتىعۋ ماقساتتارى تەرروريزمگە وسال نىسانداردا تەرروريزم اكتىلەرىنىڭ جولىن كەسۋ مەحانيزمىن جەتىلدىرۋگە باعىتتالعان.
وسىعان بايلانىستى، الماتى قالالىق تەرروريزمگە قارسى جەدەل شتابى قالا تۇرعىندارىن جۇرگىزىلىپ جاتقان وقۋ-جاتتىعۋ شارالارىنا، كولىك پەن حالىقتىڭ قوزعالىسىنا مۇمكىن بولاتىن ۋاقىتشا شەكتەۋلەرگە تۇسىنىستىكپەن قاراۋعا شاقىردى.
«ايتا كەتەيىك، ق ر-نىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىسۋشى ادامنىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوعادى»، - دەپ حابارلادى الماتى قالالىق تەرروريزممەن كۇرەس جونىندەگى جەدەل شتاب.
اۆتور
الما مۇقانوۆا
