الماتىلىقتارعا بوگدانوۆيچ مۇزدىعىنا بارۋ قاۋىپتى ەكەنى ەسكەرتىلدى

  الماتىدا بوگدانوۆيچ مۇزدىعىنا اپاراتىن تۋريستىك جول بويىندا قار كوشكىنى قاۋپى ساقتالادى، دەپ حابارلايدى Kazinform.

الماتى قالاسى توتەنشە جاعدايلار دەپارتامەنتى قازگيدرومەتتىڭ ەسكەرتۋى نەگىزىندە: جاۋىن-شاشىننىڭ ءتۇسۋى مەن كىشى جانە ۇلكەن الماتى وزەندەرىنىڭ باسسەيندەرىندەگى قار جامىلعىسىنىڭ تۇراقسىز جاعدايىنا بايلانىستى قار كوشكىنى ءجۇرۋ قاۋپىن ەسكەرتتى.

«الدىن الۋ شارالارىن كابىلداۋ ماكساتىندا قاۋىپسىزدىكتى قامتاماسىز ەتۋ، سونداي- اق تۋريستەر مەن كەلۋشىلەردىڭ كىرۋىن شەكتەۋ ءۇشىن بوگدانوۆيچ مۇزدىعىنىڭ كىرەبەرىس جولىندا «ابايلاڭىز! مۇزدىق قۇلاۋى مۇمكىن!» ، «ابايلاڭىز! كوشكىن قاۋپى بار ۋچاسكە!» (ءۇش تىلدە ورناتقان) ەسكەرتۋ تاقتالارى قويىلدى»، - دەپ حابارلادى ت ج د- دا.

وسىعان بايلانىستى، «قازسەلدەنقورعاۋ» م م مەن الماتى قالاسى ت ج د تۋريستەر مەن دەمالۋشىلاردى قارلى بەتكەيلەرگە شىقپاۋعا، مۇز ۇڭگىرىنە كىرمەۋگە، تاۋلى جەرلەردە بارلىق قاۋىپسىزدىك شاراسىن ساقتاۋعا شاقىردى.