الماتىلىقتار قار دۇرىس كۇرەلمەگەن جاعدايدا WhatsApp نومىرگە جازا الادى

көше тазалау
Фото: Алматы әкімдігі

الماتى. KAZINFORM - قازگيدرومەت جاساعان بولجامعا بايلانىستى الماتىنىڭ كوممۋنالدىق قىزمەتتەرى دايىندىق جۇمىستارىن باستادى.

سينوپتيكتەردىڭ مالىمەتىنە سايكەس، بۇگىن تۇندە الماتىدا اۋا تەمپەراتۋراسى 6-… 8- گرادۋسقا دەيىن تومەندەيدى، شامامەن ساعات 04.00 دەن تۇسكە دەيىن قالىڭدىعى 4 سانتيمەترگە دەيىن قار جاۋادى. جولدار مەن تروتۋارلاردا مۇز قاتىپ، كوكتايعاق بولۋى مۇمكىن.

سونداي-اق 20- قاڭتار كۇنى كۇندىز كوشپەلى بۇلت شىعىپ، سولتۇستىك-شىعىستان جىلدامدىعى 2-7 م/س جەل سوعادى، اۋا تەمپەراتۋراسى 3-...5- گرادۋس بولادى دەپ كۇتىلەدى.

الماتى اكىمدىگى قارمەن كۇرەسكە قازىردەن كىرىسىپ كەتتى.

«اۋدان اكىمدىكتەرىندە جۇمىستى باقىلاۋ ءۇشىن تاۋلىك بويى كەزەكشىلىك ۇيىمداستىرىلدى. 20 قاڭتاردا كۇندىز 412 ارنايى تەحنيكا مەن 1120 جۇمىسشى جۇمىلدىرىلادى. تۇنگى ۋاقىتتا 436 ارنايى تەحنيكا مەن 219 جۇمىسشىنى تارتۋ جوسپارلانىپ وتىر. قاردى شىعارۋعا 123 بىرلىك، ونىڭ ىشىندە 27 قار تيەگىش، قار تاسيتىن 75 جۇك كولىگى، 11 تراكتور، 10 اۆتوگرەيدەر جانە 156 جۇمىسشى جۇمىلدىرىلادى. ديسلوكاتسيا ورىندارىندا قار جاۋعانعا دەيىن 146 قۇم شاشاتىن كولىكتەر كەزەكشىلىككە شىعادى»، - دەپ حابارلادى اكىمدىكتىڭ باسپا ءسوز قىزمەتىنەن.

قازىرگى ۋاقىتتا قالادا تروتۋارلار مەن جول شەتىندەگى جيەكتاستاردى قاردان تازارتۋ جۇمىستارى ءجۇرىپ جاتىر. 19- قاڭتار، ساعات 18:00 دەگى جاعداي بويىنشا 19750 تەكشە مەتر قار شىعارىلدى، ياعني جۇك كولىكتەرى 1975 رەت رەيس جاساعان.

اكىمدىك وكىلدەرى، سونداي-اق جولدا، تروتۋارلاردا جانە قوعامدىق ورىنداردا قاردىڭ دۇرىس كۇرەلمەگەنىن كورگەن جاعدايدا 77066898898+ WhatsApp نومىرىنە حابارلاسۋعا بولاتىنىن ايتادى.

ەسكە سالساق، الماتىلىقتار قالا اكىمى ەربولات دوسايەۆقا قالانى قاردان تازارتۋ جۇمىستارىنا قاتىستى شاعىم ايتقان ەدى.

سوڭعى جاڭالىقتار