الماتىلىقتار بيىل قان دونورى بولىپ، 13 مىڭ ليتر قان وتكىزگەن
الماتى. KAZINFORM - الماتىلىقتار جىل باسىنان بەرى قان دونورى رەتىندە 13 مىڭ ليترعا جۋىق قان وتكىزگەن.
بيىل ەرىكتى تۇردە قان تاپسىرعان قالا تۇرعىندارىنىڭ ارقاسىندا قالالىق قان ورتالىعىندا 13 مىڭ ليترعا جۋىق قان دايىندالعان. سونداي- اق ورتالىق قىزمەتكەرلەرى 50 دەن اسا وزگە مەكەمەلەرگە بارىپ قان دونورلارىن قابىلداعان.
- جاسى 18 گە تولعان، ارنايى مەديتسينالىق تەكسەرۋدەن وتكەن، قان تاپسىرۋعا قارسى كورسەتكىشى جوق جەكە تۇلعالار دونور بولا الادى. دونور قان تاپسىرعاننان كەيىن ءوز قانىنىڭ كولەمى مەن ورگانيزمىنىڭ ەنەرگەتيكالىق شىعىندارىن تولتىرۋ ءۇشىن ونىڭ اقشالاي بالاماسىن الادى، - دەيدى ورتالىق ديرەكتورى جاندوس ناديروۆ.
ايتا كەتەيىك، قالالىق قان ورتالىعى مەگاپوليستەگى 27 مەملەكەتتىك اۋرۋحانانى، ودان باسقا دا ەمحانالاردى جانە اسكەري مەديتسينا مەكەمەلەرىن قانمەن قامتاماسىز ەتەدى.
ەسكە سالايىق، بۇعان دەيىن قالالىق قان ورتالىعى دونورلار جيناقتاۋ ءبولىمىنىڭ مەڭگەرۋشىسى نۇرداۋلەت ءابدىقادىروۆتان سۇحبات العانبىز. ونىڭ ايتۋىنشا، 2020 -جىلى 18 مىڭ، 2021 -جىلى 19 مىڭ، 2023 -جىلى 20 مىڭ 500 ادام ورتالىققا قان وتكىزگەن.
